ಪ್ರೀತಿ ಎನ್ನುವುದು ನಂಬಿಕೆ ಮತ್ತು ಸುರಕ್ಷತೆಯ ಸಂಕೇತ. ಆದರೆ ಹರಿಯಾಣದ ಗುರುಗ್ರಾಮ್ನಲ್ಲಿ ನಡೆದ ಈ ಘಟನೆ ಮನುಕುಲವೇ ತಲೆತಗ್ಗಿಸುವಂತಿದೆ. ತನ್ನನ್ನು ಮದುವೆಯಾಗುವಂತೆ ಕೇಳಿದ್ದೇ ತಪ್ಪೆಂದು ಭಾವಿಸಿದ ಪ್ರಿಯತಮನೊಬ್ಬ, ಪ್ರೇಯಸಿಯ (Live-in Relationship Crime) ಖಾಸಗಿ ಅಂಗಗಳ ಮೇಲೆ ಸ್ಯಾನಿಟೈಸರ್ ಸುರಿದು ಬೆಂಕಿ ಹಚ್ಚಿದ ಘೋರ ಘಟನೆ ಬೆಳಕಿಗೆ ಬಂದಿದೆ. ಈ ದಾರುಣ ಕೃತ್ಯದ ವಿವರಗಳು ಈಗ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿವೆ.
Live-in Relationship Crime – ಡೇಟಿಂಗ್ ಆ್ಯಪ್ ಪರಿಚಯ ನರಕಕ್ಕೆ ದಾರಿ
ಸಂತ್ರಸ್ತ 19 ವರ್ಷದ ಯುವತಿ ಮೂಲತಃ ತ್ರಿಪುರಾ ರಾಜ್ಯದವಳು. ಈಕೆ ಉನ್ನತ ವ್ಯಾಸಂಗಕ್ಕಾಗಿ ಗುರುಗ್ರಾಮ್ಗೆ ಬಂದು ಬಯೋಟೆಕ್ನಾಲಜಿ ಕಲಿಯುತ್ತಿದ್ದಳು. ಕಳೆದ ವರ್ಷ ಈಕೆಗೆ ಡೇಟಿಂಗ್ ಆ್ಯಪ್ ಮೂಲಕ ಶಿವಂ ಎಂಬ ಯುವಕನ ಪರಿಚಯವಾಗಿತ್ತು. ಆರಂಭದಲ್ಲಿ ಸ್ನೇಹದಿಂದ ಶುರುವಾದ ಇವರ ಸಂಬಂಧ ನಂತರ ಪ್ರೀತಿಗೆ ತಿರುಗಿತ್ತು. ಪರಸ್ಪರ ಇಷ್ಟಪಟ್ಟ ಇಬ್ಬರೂ ಲಿವ್-ಇನ್ ರಿಲೇಷನ್ಶಿಪ್ನಲ್ಲಿ ಇರಲು ನಿರ್ಧರಿಸಿದ್ದರು. ಇದಕ್ಕಾಗಿ ಗುರುಗ್ರಾಮ್ನ ಸೆಕ್ಟರ್ 69ರಲ್ಲಿ ಒಂದು ಫ್ಲ್ಯಾಟ್ ಬಾಡಿಗೆಗೆ ಪಡೆದು ಒಟ್ಟಿಗೆ ವಾಸಿಸಲು ಶುರು ಮಾಡಿದ್ದರು.
ಮದುವೆ ವಿಚಾರಕ್ಕೆ ಶುರುವಾದ ಕಲಹ
ಸಹಜೀವನ ನಡೆಸುತ್ತಿದ್ದ ಸಂದರ್ಭದಲ್ಲಿ ಯುವತಿ ತನ್ನ ಭವಿಷ್ಯದ ಬಗ್ಗೆ ಯೋಚಿಸಿ ಮದುವೆಯ ಪ್ರಸ್ತಾಪ ಮುಂದಿಟ್ಟಿದ್ದಾಳೆ. ತನ್ನನ್ನು ಅಧಿಕೃತವಾಗಿ ಮದುವೆಯಾಗುವಂತೆ ಅವಳು ಶಿವಂ ಮೇಲೆ ಒತ್ತಡ ಹೇರಿದ್ದಾಳೆ. ಆದರೆ ಈ ವಿಚಾರ ಶಿವಂಗೆ ಇಷ್ಟವಾಗಲಿಲ್ಲ. ಇದೇ ವಿಷಯವಾಗಿ ಇಬ್ಬರ ನಡುವೆ (Live-in Relationship Crime) ಪದೇ ಪದೇ ಗಲಾಟೆಗಳು ನಡೆಯುತ್ತಿದ್ದವು. ಈ ಜಗಳ ವಿಕೋಪಕ್ಕೆ ಹೋದ ದಿನ ಶಿವಂ ತನ್ನ ಅಸಲಿ ರೂಪವನ್ನು ತೋರಿಸಿದ್ದಾನೆ. ಕೋಪದ ಭರದಲ್ಲಿ ಅವಳನ್ನು ಒಂದು ಕೋಣೆಯಲ್ಲಿ ಕೂಡಿ ಹಾಕಿ ಮನಬಂದಂತೆ ಥಳಿಸಿದ್ದಾನೆ. Read this also : ಪ್ರೀತಿಸಿ ಮದುವೆಯಾದವಳ ಶೀಲ ಶಂಕಿಸಿದ ಪತಿ: ನಾಲ್ಕೇ ತಿಂಗಳಿಗೆ ಸುಫಿಯಾ ಬಾನು ಬದುಕು ಅಂತ್ಯ!
ಮೂರು ದಿನಗಳ ಕಾಲ ಸತತ ಚಿತ್ರಹಿಂಸೆ
ಹಲ್ಲೆ ನಡೆಸಿದ್ದಷ್ಟೇ ಅಲ್ಲದೆ ಶಿವಂ ಕ್ರೌರ್ಯದ ಪರಮಾವಧಿಯನ್ನು ಮರೆದಿದ್ದಾನೆ. ಯುವತಿಯ ಖಾಸಗಿ ಅಂಗಗಳ ಮೇಲೆ ಸ್ಯಾನಿಟೈಸರ್ ಸುರಿದು ಬೆಂಕಿ ಹಚ್ಚಿದ್ದಾನೆ. ಈ ಪೈಶಾಚಿಕ ಕೃತ್ಯ (Live-in Relationship Crime) ಎಸಗಿದ ನಂತರವೂ ಆಕೆಗೆ ಯಾವುದೇ ವೈದ್ಯಕೀಯ ನೆರವು ನೀಡದೆ ಸುಮಾರು ಮೂರು ದಿನಗಳ ಕಾಲ ಅದೇ ಕೋಣೆಯಲ್ಲಿ ಕೂಡಿ ಹಾಕಿ ಚಿತ್ರಹಿಂಸೆ ನೀಡಿದ್ದಾನೆ. ನೋವಿನಿಂದ ನರಳುತ್ತಿದ್ದ ಯುವತಿಗೆ ಹೊರಜಗತ್ತಿನ ಸಂಪರ್ಕವಿಲ್ಲದಂತೆ ನೋಡಿಕೊಂಡಿದ್ದನು.
ಕೊನೆಗೂ ಸಿಕ್ಕ ವಿಮೋಚನೆ ಮತ್ತು ಕಾನೂನು ಕ್ರಮ
ಮೂರು ದಿನಗಳ ನಂತರ ಹೇಗೋ ಧೈರ್ಯ ಮಾಡಿದ ಯುವತಿ ರಹಸ್ಯವಾಗಿ ತನ್ನ ತಾಯಿಗೆ ಫೋನ್ ಮಾಡಿ ನಡೆದ ಘೋರ ಘಟನೆಯನ್ನು ವಿವರಿಸಿದ್ದಾಳೆ. ಗಾಬರಿಗೊಂಡ ತಾಯಿ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಮಾಹಿತಿ ಸಿಕ್ಕ ತಕ್ಷಣ ಸ್ಥಳಕ್ಕೆ ಧಾವಿಸಿದ ಪೊಲೀಸರು ಯುವತಿಯನ್ನು (Live-in Relationship Crime) ರಕ್ಷಿಸಿ ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸಂತ್ರಸ್ತೆಯ ಹೇಳಿಕೆಯ ಆಧಾರದ ಮೇಲೆ ಶಿವಂ ವಿರುದ್ಧ ಕೊಲೆ ಯತ್ನ, ಅತ್ಯಾಚಾರ ಸೇರಿದಂತೆ ಬಿಎನ್ಎಸ್ನ ವಿವಿಧ ಗಂಭೀರ ಸೆಕ್ಷನ್ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿ ಆತನನ್ನು ಬಂಧಿಸಲಾಗಿದೆ. ವೈದ್ಯಕೀಯ ವರದಿಗಳ ನಂತರ ಮತ್ತಷ್ಟು ಕಠಿಣ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ಭರವಸೆ ನೀಡಿದ್ದಾರೆ.