Credit Score – ನಿಮ್ಮ ಬ್ಯಾಂಕ್ ಖಾತೆ, ಫೈನಾನ್ಷಿಯಲ್ ಹಿನ್ನಲೆ ಮತ್ತು ಲೋನ್‌ಗಳ ಬಗ್ಗೆ ನಿಮಗೆ ತಿಳಿದಿರಬಹುದು, ಆದರೆ ನಿಮ್ಮ ಕ್ರೆಡಿಟ್ ಸ್ಕೋರ್ ಬಗ್ಗೆ ಯೋಚಿಸಿದ್ದೀರಾ? ನಿಮ್ಮ ಪಾನ್ ಕಾರ್ಡ್ ಅನ್ನು ಆಧರಿಸಿರುವ ಈ ಸ್ಕೋರ್, ಹಣಕಾಸಿನ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ನಿಮ್ಮ ಈ ಸ್ಕೋರ್ ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ನಿಮಗೆ ಲೋನ್ ನೀಡಬೇಕೇ ಬೇಡವೇ ಎಂಬುದನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಹಾಗಿದ್ದರೆ, ಈ ಸ್ಕೋರ್ ಅನ್ನು ಹೇಗೆ ಲೆಕ್ಕ ಹಾಕಲಾಗುತ್ತದೆ ಮತ್ತು ಅದನ್ನು ಉತ್ತಮಗೊಳಿಸಲು ಏನು ಮಾಡಬೇಕು? ಬನ್ನಿ, ಇದರ ಬಗ್ಗೆ ಆಸಕ್ತಿದಾಯಕ ಸಂಗತಿಗಳನ್ನು ತಿಳಿದುಕೊಳ್ಳೋಣ.
Credit Score – ಹಣ ಮರುಪಾವತಿ: ನಿಮ್ಮ ಸ್ಕೋರ್‌ನ ಅತಿ ಮುಖ್ಯ ಭಾಗ
ನಿಮ್ಮ ಕ್ರೆಡಿಟ್ ಸ್ಕೋರ್ ಹೆಚ್ಚಾಗಿ ನಿಮ್ಮ ಸಾಲಗಳ ಮರುಪಾವತಿ ಮತ್ತು ಕ್ರೆಡಿಟ್ ಕಾರ್ಡ್ ಪಾವತಿಗಳ ಮೇಲೆ ಅವಲಂಬಿತವಾಗಿರುತ್ತದೆ. ನೀವು ಸಮಯಕ್ಕೆ ಸರಿಯಾಗಿ EMI ಮತ್ತು ಇತರ ಪಾವತಿಗಳನ್ನು ಮಾಡಿದರೆ, ನಿಮ್ಮ ಸ್ಕೋರ್ ಹೆಚ್ಚಾಗುತ್ತದೆ. ಒಂದು ವೇಳೆ ನೀವು ಪಾವತಿಗಳನ್ನು ತಡವಾಗಿ ಮಾಡಿದರೆ ಅಥವಾ ದಂಡ ತೆತ್ತರೆ, ನಿಮ್ಮ ಸ್ಕೋರ್ ಖಂಡಿತಾ ಇಳಿಯುತ್ತದೆ. ಒಂದು ವೇಳೆ ನೀವು ಸಾಲವನ್ನು ಪೆಂಡಿಂಗ್ ಇಟ್ಟು ಸೆಟಲ್ ಮಾಡಿದರೆ, ನಿಮ್ಮ ಸ್ಕೋರ್ ಕನಿಷ್ಠ ಮಟ್ಟಕ್ಕೆ ಇಳಿಯುತ್ತದೆ, ಇದು ಭವಿಷ್ಯದಲ್ಲಿ ಲೋನ್ ಪಡೆಯುವ ಅವಕಾಶವನ್ನು ಕಡಿಮೆ ಮಾಡುತ್ತದೆ. ಆದರೆ, ಮನೆ ಅಥವಾ ಬೇರೆ ಆಸ್ತಿಗಳನ್ನು ಅಡವಿಟ್ಟು ಲೋನ್ ತೆಗೆದುಕೊಂಡರೆ, ನಿಮ್ಮ ಸ್ಕೋರ್ ಹೆಚ್ಚಾಗಿ ಉತ್ತಮವಾಗಿ ಇರುತ್ತದೆ.
Credit Score – ಕ್ರೆಡಿಟ್ ಬಳಕೆ: ಕಾರ್ಡ್ ಬಳಸುವ ರೀತಿ
ನಿಮ್ಮ ಕ್ರೆಡಿಟ್ ಕಾರ್ಡ್ ಮಿತಿ ಅಥವಾ ಲಿಮಿಟ್‌ನ 30% ಕ್ಕಿಂತ ಹೆಚ್ಚು ಬಳಸದಿದ್ದರೆ ನಿಮ್ಮ ಸ್ಕೋರ್ ಹೆಚ್ಚಾಗಬಹುದು. ಉದಾಹರಣೆಗೆ, ನಿಮ್ಮ ಕ್ರೆಡಿಟ್ ಕಾರ್ಡ್ ಲಿಮಿಟ್ ಒಂದು ಲಕ್ಷ ರೂಪಾಯಿ ಆಗಿದ್ದರೆ, ಪ್ರತಿ ತಿಂಗಳು ನೀವು ಕೇವಲ 30,000 ರೂ. ಮಾತ್ರ ಬಳಸಿದರೆ, ನಿಮ್ಮ ಸ್ಕೋರ್ ಉತ್ತಮಗೊಳ್ಳುತ್ತದೆ. ಒಂದು ವೇಳೆ ನೀವು ಪೂರ್ತಿ ಲಿಮಿಟ್ ಬಳಸಿದರೆ, ನಿಮ್ಮ ಸ್ಕೋರ್ ಕಡಿಮೆಯಾಗುವ ಸಾಧ್ಯತೆ ಇದೆ.
Credit Score – ಹಳೆಯ ಕ್ರೆಡಿಟ್ ಇತಿಹಾಸದ ಪರಿಣಾಮ
ನಿಮ್ಮ ಒಟ್ಟಾರೆ ಕ್ರೆಡಿಟ್ ಸ್ಕೋರ್ ಮೇಲೆ ನಿಮ್ಮ ಹಿಂದಿನ ಹಣಕಾಸಿನ ಇತಿಹಾಸ ಶೇ.15ರಷ್ಟು ಪರಿಣಾಮ ಬೀರುತ್ತದೆ. ಈಗ ನೀವು ಎಲ್ಲಾ ಬಿಲ್‌ಗಳನ್ನು ಸಮಯಕ್ಕೆ ಸರಿಯಾಗಿ ಪಾವತಿಸುತ್ತಿದ್ದರೂ, ಹಿಂದೆ ಏನಾದರೂ ತಡವಾದ ಪಾವತಿಗಳು ಇದ್ದರೆ, ಅದು ನಿಮ್ಮ ಸ್ಕೋರ್‌ಗೆ ಸ್ವಲ್ಪಮಟ್ಟಿಗೆ ನಕಾರಾತ್ಮಕ ಪರಿಣಾಮ ಬೀರಬಹುದು.
Credit Score – ವಿವಿಧ ರೀತಿಯ ಸಾಲಗಳು ನಿಮ್ಮ ಸ್ಕೋರ್ ಅನ್ನು ಹೆಚ್ಚಿಸಬಹುದೇ?
ಹೌದು! ನೀವು ಕ್ರೆಡಿಟ್ ಕಾರ್ಡ್, ವೈಯಕ್ತಿಕ ಸಾಲ, ಗೃಹ ಸಾಲ ಮತ್ತು ವಾಹನ ಸಾಲಗಳಂತಹ ವಿವಿಧ ರೀತಿಯ ಸಾಲಗಳನ್ನು ಪಡೆದುಕೊಂಡು ಅವುಗಳನ್ನು ಸರಿಯಾಗಿ ಮರುಪಾವತಿ ಮಾಡುತ್ತಿದ್ದರೆ, ನಿಮ್ಮ ಸ್ಕೋರ್ ವೇಗವಾಗಿ ಹೆಚ್ಚಾಗುತ್ತದೆ. ಇದು ನೀವು ಹಣಕಾಸಿನ ವಿಷಯದಲ್ಲಿ ಜವಾಬ್ದಾರಿಯುತ ವ್ಯಕ್ತಿ ಎಂಬುದನ್ನು ತೋರಿಸುತ್ತದೆ. Read this also : ನಿಮ್ಮ ಕ್ರೆಡಿಟ್ ಕಾರ್ಡ್‌ನಿಂದ ಲಾಭ ಪಡೆಯುವುದು ಹೇಗೆ? ಇಲ್ಲಿದೆ 5 ಸುಲಭ ಸೂತ್ರ!
Credit Score – ಬಳಸದೆ ಇರುವ ಕ್ರೆಡಿಟ್ ಕಾರ್ಡ್‌ಗಳು
ಬಳಕೆಯಲ್ಲಿಲ್ಲದ ಹಳೆಯ ಕ್ರೆಡಿಟ್ ಕಾರ್ಡ್‌ಗಳು ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು. ಅವುಗಳನ್ನು ರದ್ದುಪಡಿಸುವುದು (ಡಿ-ಆಕ್ಟಿವೇಟ್) ಅಥವಾ ಕಾಲಕಾಲಕ್ಕೆ ಸ್ವಲ್ಪ ಬಳಸುತ್ತಿರುವುದು ನಿಮ್ಮ ಸ್ಕೋರ್ ಅನ್ನು ಸುಸ್ಥಿತಿಯಲ್ಲಿ ಇಡಲು ಸಹಾಯ ಮಾಡುತ್ತದೆ.
Credit Score – ಒಂದೇ ಸಮಯದಲ್ಲಿ ಅನೇಕ ಅರ್ಜಿಗಳು
ನೀವು ಒಂದೇ ಸಮಯದಲ್ಲಿ ಅನೇಕ ಸಾಲಕ್ಕಾಗಿ ಅರ್ಜಿ ಸಲ್ಲಿಸಿದರೆ ನಿಮ್ಮ ಸ್ಕೋರ್ ಕಡಿಮೆಯಾಗಬಹುದು. ನಿಮ್ಮ ಅರ್ಜಿಯು ತಿರಸ್ಕರಿಸಲ್ಪಟ್ಟಷ್ಟೂ ನಿಮ್ಮ ಸ್ಕೋರ್ ಮತ್ತಷ್ಟು ಕುಸಿಯುತ್ತದೆ. ಅದೇ ರೀತಿ, ಒಂದೇ ದಿನದಲ್ಲಿ ಒಂದೇ ಸಂಸ್ಥೆ ನಿಮ್ಮ ಸ್ಕೋರ್ ಅನ್ನು ಹಲವು ಬಾರಿ ಪರಿಶೀಲಿಸಿದರೂ ನಿಮ್ಮ ಸ್ಕೋರ್ ಕಡಿಮೆಯಾಗುವ ಸಾಧ್ಯತೆ ಇದೆ.
ನಿಮ್ಮ ಕ್ರೆಡಿಟ್ ಸ್ಕೋರ್ ರೇಂಜ್
ಸಾಮಾನ್ಯವಾಗಿ, ನಿಮ್ಮ ಕ್ರೆಡಿಟ್ ಸ್ಕೋರ್ 700 ಕ್ಕಿಂತ ಹೆಚ್ಚಿದ್ದರೆ ಅದು ಉತ್ತಮವಾಗಿದೆ ಎಂದು ಪರಿಗಣಿಸಲಾಗುತ್ತದೆ. 750 ಕ್ಕಿಂತ ಹೆಚ್ಚಿದ್ದರೆ, ಅದನ್ನು ‘ಅತ್ಯುತ್ತಮ’ ಎಂದು ಹೇಳಬಹುದು. ನಿಮ್ಮ ಸ್ಕೋರ್ 800 ಕ್ಕಿಂತ ಹೆಚ್ಚಿದ್ದರೆ, ನಿಮ್ಮ ಹಣಕಾಸಿನ ನಿರ್ವಹಣೆ ಅಸಾಧಾರಣವಾಗಿದೆ ಎಂದರ್ಥ!