ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್ನಲ್ಲಿ ನಡೆದ ಒಂದು ಘಟನೆ ಇಡೀ ಸಮಾಜವೇ ತಲೆತಗ್ಗಿಸುವಂತೆ ಮಾಡಿದೆ. ಅಕ್ಕ-ತಂಗಿಯರಿಬ್ಬರು (Bhopal Sisters) ಸೇರಿಕೊಂಡು ನಡೆಸುತ್ತಿದ್ದ ಲೈಂಗಿಕ ಮತ್ತು ಧಾರ್ಮಿಕ ಮತಾಂತರದ ಜಾಲ ಈಗ ಪೊಲೀಸರ ಅತಿಥಿಯಾಗಿದೆ. ನಂಬಿಕೆಯೇ ಇಲ್ಲಿ ಬಲೆಯಾಗಿದ್ದು, ನೂರಾರು ಕನಸು ಹೊತ್ತು ಕೆಲಸ ಹುಡುಕಿಕೊಂಡು ಬರುವ ಯುವತಿಯರನ್ನು ಈ ಜಾಲ ಹೇಗೆ ನರಕಕ್ಕೆ ತಳ್ಳುತ್ತಿತ್ತು ಎಂಬ ಕರಾಳ ಸತ್ಯ ಈಗ ಒಂದೊಂದಾಗಿ ಹೊರಬರುತ್ತಿದೆ.
Bhopal Sisters – ನಂಬಿಸಿ ನರಕಕ್ಕೆ ತಳ್ಳುತ್ತಿದ್ದ ಅಕ್ಕ-ತಂಗಿಯರ ಜಾಲ
ಈ ಪ್ರಕರಣದ ಪ್ರಮುಖ ಆರೋಪಿಗಳಾದ ಅಫ್ರೀನ್ ಮತ್ತು ಅಮ್ರೀನ್ ಎಂಬ ಸಹೋದರಿಯರು ಬಹಳ ಯೋಜಿತವಾಗಿ ಈ ದಂಧೆ ನಡೆಸುತ್ತಿದ್ದರು. ಆರ್ಥಿಕವಾಗಿ ಹಿಂದುಳಿದಿರುವ ಮತ್ತು ಕೆಲಸದ ಅವಶ್ಯಕತೆ ಇರುವ ಯುವತಿಯರೇ ಇವರ ಮೊದಲ ಗುರಿಯಾಗಿದ್ದರು. ಅವರಿಗೆ ಉದ್ಯೋಗದ ಆಮಿಷವೊಡ್ಡಿ, ಅವರ ವಿಶ್ವಾಸ ಗಳಿಸಿ, ನಂತರ ಅವರನ್ನು ಲೈಂಗಿಕವಾಗಿ ಬಳಸಿಕೊಳ್ಳುವ ಕೆಲಸಕ್ಕೆ ಇವರು ಕೈಹಾಕಿದ್ದರು. ಸದ್ಯ ಪೊಲೀಸರು ಈ ಇಬ್ಬರು ಮಹಿಳೆಯರನ್ನು ಬಂಧಿಸಿದ್ದು, ಅವರ ಗ್ಯಾಂಗ್ನಲ್ಲಿದ್ದ ಉಳಿದ ಮೂವರಿಗಾಗಿ ತೀವ್ರ ಹುಡುಕಾಟ ನಡೆಸುತ್ತಿದ್ದಾರೆ.
ಬ್ಯೂಟಿಷಿಯನ್ ನೀಡಿದ ದೂರಿನಲ್ಲಿ ಬಯಲಾದ ಭೀಕರ ಸತ್ಯ
ಈ ಇಡೀ ಜಾಲದ ಕರಾಳ ಮುಖ ಬಯಲಾಗಿದ್ದು ಒಬ್ಬ 21 ವರ್ಷದ ಬ್ಯೂಟಿಷಿಯನ್ ನೀಡಿದ ದೂರಿನಿಂದ. ಅಮ್ರೀನ್ ಎಂಬಾಕೆ ತನ್ನ ಜೊತೆ ರೂಮ್ನಲ್ಲಿದ್ದ ಈ ಯುವತಿಯನ್ನು ನವೆಂಬರ್ 2025ರಲ್ಲಿ ಅಬ್ಬಾಸ್ ನಗರಕ್ಕೆ ಕರೆದೊಯ್ದಿದ್ದಳು. ಅಲ್ಲಿ ಅಮ್ರೀನ್ ಸಹೋದರ ಬಿಲಾಲ್ ಎಂಬಾತ ಆಕೆಗೆ ಡ್ರಗ್ಸ್ ಬೆರೆಸಿದ ಚಹಾವನ್ನು ನೀಡಿ, ಆಕೆ ಪ್ರಜ್ಞೆ ತಪ್ಪಿದ ನಂತರ (Bhopal Sisters) ಅತ್ಯಾಚಾರ ಎಸಗಿದ್ದ. ಅಷ್ಟಕ್ಕೇ ನಿಲ್ಲದ ಈ ದೌರ್ಜನ್ಯ, ಮುಂದಿನ ತಿಂಗಳು ಅಹಮದಾಬಾದ್ಗೆ ಕರೆದೊಯ್ದು ಅಲ್ಲಿ ಯಾಸಿರ್ ಎಂಬ ವ್ಯಕ್ತಿಯಿಂದ ಅತ್ಯಾಚಾರ ಮಾಡಿಸುವ ಮಟ್ಟಕ್ಕೆ ತಲುಪಿತ್ತು. ಅಮ್ರೀನ್ನ ಆಪ್ತ ಚಂದನ್ ಯಾದವ್ ಎಂಬಾತ ಕೂಡ ಹಲವು ಬಾರಿ ಈ ಯುವತಿಯ ಮೇಲೆ ದೌರ್ಜನ್ಯ ಎಸಗಿದ್ದ ಎನ್ನಲಾಗಿದೆ.
ಬ್ಲ್ಯಾಕ್ಮೇಲ್ ಮತ್ತು ಮತಾಂತರದ ಕಿರುಕುಳ
ದೌರ್ಜನ್ಯಕ್ಕೊಳಗಾದ ಯುವತಿಗೆ ಕೇವಲ ದೈಹಿಕ ಹಿಂಸೆ ಮಾತ್ರವಲ್ಲದೆ ಮಾನಸಿಕ ಹಿಂಸೆಯನ್ನೂ ನೀಡಲಾಗುತ್ತಿತ್ತು. ಅತ್ಯಾಚಾರದ ವಿಡಿಯೋ ಮತ್ತು ಫೋಟೋಗಳನ್ನು ತೋರಿಸಿ ಆಕೆಯನ್ನು ಬ್ಲ್ಯಾಕ್ಮೇಲ್ ಮಾಡಲಾಗುತ್ತಿತ್ತು. ಬಲವಂತವಾಗಿ ಪಬ್ಗಳಿಗೆ ಕರೆದೊಯ್ದು ಡ್ರಗ್ಸ್ ನೀಡಲಾಗುತ್ತಿತ್ತು. ಎಲ್ಲಕ್ಕಿಂತ ಭೀಕರವೆಂದರೆ, ಆಕೆಯನ್ನು ಬುರ್ಖಾ (Bhopal Sisters) ಧರಿಸುವಂತೆ ಮತ್ತು ಧರ್ಮ ಬದಲಿಸುವಂತೆ ನಿರಂತರವಾಗಿ ಪೀಡಿಸುತ್ತಿದ್ದರು. ಕೊನೆಗೂ ಈ ನರಕದಿಂದ ತಪ್ಪಿಸಿಕೊಂಡ ಯುವತಿ ಜನವರಿ ತಿಂಗಳಲ್ಲಿ ಅಲ್ಲಿಂದ ಪರಾರಿಯಾಗಿ, ಫೆಬ್ರವರಿಯಲ್ಲಿ ಪೊಲೀಸ್ ಠಾಣೆ ಮೆಟ್ಟಿಲೇರಿದಾಗ ಈ ಮಹಾನ್ ವಂಚನೆಯ ಜಾಲ ಹೊರಬಿದ್ದಿದೆ.
Read this also : ಫೇಸ್ಬುಕ್ ‘ಫ್ರೆಂಡ್’ ಕಳುಹಿಸಿದ ಆ ಒಂದು ಮೆಸೇಜ್; ಕುಂದಾಪುರದ ಮಹಿಳೆ ಕಳೆದುಕೊಂಡಿದ್ದು ಬರೋಬ್ಬರಿ ₹7.10 ಲಕ್ಷ!
ಸ್ಲಮ್ನಿಂದ ಐಷಾರಾಮಿ ಫ್ಲಾಟ್ವರೆಗೆ ಬೆಳೆದ ಸಾಮ್ರಾಜ್ಯ
ಪೊಲೀಸ್ ಮೂಲಗಳ ಪ್ರಕಾರ, ಅಫ್ರೀನ್ ಮತ್ತು ಅಮ್ರೀನ್ ಮೊದಲು ಅಬ್ಬಾಸ್ ನಗರದ ಒಂದು ಸಣ್ಣ ಸ್ಲಮ್ನಲ್ಲಿ ವಾಸಿಸುತ್ತಿದ್ದರು. ಆದರೆ ಇತ್ತೀಚೆಗೆ ಅವರು ಭೋಪಾಲ್ನ ಅತ್ಯಂತ ದುಬಾರಿ ‘ಸಾಗರ್ ರಾಯಲ್ ವಿಲ್ಲಾಸ್’ ಎಂಬ ಐಷಾರಾಮಿ ಫ್ಲಾಟ್ಗೆ ಸ್ಥಳಾಂತರಗೊಂಡಿದ್ದರು. ಇಷ್ಟೊಂದು ಹಣ ಎಲ್ಲಿಂದ ಬಂತು ಎಂದು ವಿಚಾರಿಸಿದಾಗ, ಇವರು ನಡೆಸುತ್ತಿದ್ದ ಈ (Bhopal Sisters) ಅಕ್ರಮ ದಂಧೆಯೇ ಅವರಿಗೆ ಕೋಟಿಗಟ್ಟಲೆ ಹಣ ತಂದುಕೊಡುತ್ತಿತ್ತು ಎಂಬುದು ತಿಳಿದುಬಂದಿದೆ. ನೆರೆಹೊರೆಯವರು ಹೇಳುವಂತೆ, ತಡರಾತ್ರಿ ಈ ಫ್ಲಾಟ್ಗೆ ಪುರುಷರು ಮತ್ತು ಚಿಕ್ಕ ಹುಡುಗರು ಭೇಟಿ ನೀಡುತ್ತಿದ್ದರು, ಇದು ಮೊದಲೇ ಅನುಮಾನಕ್ಕೆ ಕಾರಣವಾಗಿತ್ತು.
ಸಮಾಜದಲ್ಲಿ ಮೊಳಗಿದ ಆಕ್ರೋಶದ ಕಿಚ್ಚು
ಈ ಘಟನೆ ಬೆಳಕಿಗೆ ಬರುತ್ತಿದ್ದಂತೆಯೇ ಭೋಪಾಲ್ನಲ್ಲಿ (Bhopal Sisters) ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಸ್ಥಳೀಯ ಹಿಂದೂ ಸಂಘಟನೆಗಳು ಈ ಕೃತ್ಯವನ್ನು ಖಂಡಿಸಿ ಪ್ರತಿಭಟನೆ ನಡೆಸಿವೆ. ಮಹಿಳೆಯರು ಮತ್ತು ಯುವತಿಯರ ರಕ್ಷಣೆಗಾಗಿ ನೆರೆಹೊರೆಯ ಮಟ್ಟದಲ್ಲಿ ‘ಮಹಿಳಾ ಬ್ರಿಗೇಡ್’ಗಳನ್ನು ರಚಿಸುವುದಾಗಿ ಮತ್ತು ಜನರಲ್ಲಿ ಜಾಗೃತಿ ಮೂಡಿಸಲು ಅಭಿಯಾನಗಳನ್ನು ಹಮ್ಮಿಕೊಳ್ಳುವುದಾಗಿ ಸಂಘಟನೆಗಳು ತಿಳಿಸಿವೆ. ಸದ್ಯ ಈ ಪ್ರಕರಣದಲ್ಲಿ ಶಾಮೀಲಾಗಿರುವ ಉಳಿದ ಆರೋಪಿಗಳನ್ನು ಹಿಡಿಯಲು ಪೊಲೀಸರು ಹಗಲಿರುಳು ಶ್ರಮಿಸುತ್ತಿದ್ದಾರೆ.