ಪ್ರೀತಿ ಎಂಬ ಎರಡಕ್ಷರದ ಮಾತು ಎಷ್ಟು ಸುಂದರವೋ, ಅಷ್ಟೇ ಅಪಾಯಕಾರಿ ಎಂಬುದಕ್ಕೆ ಬಾಗಲಕೋಟೆಯ ಈ ಘಟನೆಯೇ ಸಾಕ್ಷಿ. ಪ್ರೀತಿಯನ್ನು ನಂಬಿ, ಧರ್ಮ ಬದಲಿಸಿ, ಜೀವನವನ್ನೇ ಪಣಕ್ಕಿಟ್ಟ (Bagalkot Love Conversion) ಮಹಿಳೆಯೊಬ್ಬರು ಇಂದು ತನ್ನ ಮಕ್ಕಳೊಂದಿಗೆ ಬೀದಿಗೆ ಬಿದ್ದಿದ್ದಾರೆ. ತನ್ನವರನ್ನು ಕಳೆದುಕೊಂಡು, ನಂಬಿದವನಿಂದಲೂ ಮೋಸಹೋಗಿ ನ್ಯಾಯಕ್ಕಾಗಿ ಎಸ್ಪಿ ಕಚೇರಿ ಮೆಟ್ಟಿಲೇರಿದ್ದಾರೆ.
Bagalkot Love Conversion – ಪ್ರೀತಿಯ ಬಲೆಗೆ ಬಿದ್ದಿದ್ದೇಗೆ?
ಬಾಗಲಕೋಟೆ ಜಿಲ್ಲೆಯ ಮುಧೋಳ ನಿವಾಸಿಯಾದ ಶ್ರೀದೇವಿ ಅವರದ್ದು ಮೊದಲಿಗೆ ಸುಂದರ ಸಂಸಾರವಾಗಿತ್ತು. ಕುರುಬ ಸಮುದಾಯಕ್ಕೆ ಸೇರಿದ ಇವರಿಗೆ 14 ವರ್ಷಗಳ ಹಿಂದೆಯೇ ವಿವಾಹವಾಗಿ ಮಕ್ಕಳೂ ಇದ್ದರು. ಆದರೆ ಕಾಲಚಕ್ರ ಉರುಳಿದಂತೆ, ಕೆಲಸದ ಸ್ಥಳದಲ್ಲಿ ಮುಧೋಳದ ಸವಿಫ್ ಪತ್ತೆ ಎಂಬಾತನ ಪರಿಚಯವಾಗಿದೆ. ಶ್ರೀದೇವಿಯವರನ್ನು ಪ್ರೀತಿಸುವುದಾಗಿ ನಂಬಿಸಿದ ಸವಿಫ್, ಆಕೆಯನ್ನು ತನ್ನ ಮಾಯದ ಮಾತಿನಿಂದ ಮರುಳು ಮಾಡಿದ್ದಾನೆ.
ಮತಾಂತರ ಮತ್ತು ‘ಹಬೀಬಾ’ ಆದ ಶ್ರೀದೇವಿ
ಸವಿಫ್ಗೆ ಈಗಾಗಲೇ ಇಬ್ಬರು ಪತ್ನಿಯರಿದ್ದರೂ ಆ ವಿಷಯವನ್ನು ಮರೆಮಾಚಿ ಅಥವಾ ನಂಬಿಸಿ ಶ್ರೀದೇವಿಯವರನ್ನು ಮತಾಂತರಕ್ಕೆ ಒಪ್ಪಿಸಿದ್ದಾನೆ. ಫೆಬ್ರವರಿ 7, 2023 ರಂದು ಮುಸ್ಲಿಂ ಪದ್ಧತಿಯಂತೆ ಇವರ ‘ನಿಖಾ’ ನಡೆದಿದೆ. (Bagalkot Love Conversion) ಹಿಂದೂ ಧರ್ಮದ ಶ್ರೀದೇವಿ, ಸವಿಫ್ಗಾಗಿ ‘ಹಬೀಬಾ’ ಆಗಿ ಬದಲಾದರು. ಆದರೆ ಈ ಬದಲಾವಣೆ ಅವರ ಬದುಕಿನಲ್ಲಿ ಸಂತೋಷ ತರುವ ಬದಲು ಕತ್ತಲೆಯನ್ನೇ ತಂದಿದೆ.
ಅಸಲಿ ರೂಪ ತೋರಿಸಿದ ಪತಿ: ಹಣ, ಬಂಗಾರಕ್ಕೆ ಸಂಚು!
ಮದುವೆಯಾದ ಕೆಲವು ದಿನಗಳ ಕಾಲ ಚೆನ್ನಾಗಿಯೇ ಇದ್ದ ಸವಿಫ್, ನಂತರ ತನ್ನ ಅಸಲಿ ಬುದ್ಧಿ ತೋರಿಸಲಾರಂಭಿಸಿದ. ಶ್ರೀದೇವಿಯವರ ಬಳಿಯಿದ್ದ 4 ಲಕ್ಷ ರೂಪಾಯಿ ನಗದು ಮತ್ತು 4 ತೊಲೆ ಚಿನ್ನದ ಆಭರಣಗಳನ್ನು ಕಿತ್ತುಕೊಂಡಿದ್ದಾನೆ. ಅಷ್ಟೇ ಅಲ್ಲದೆ, ಈಗ ತನ್ನ ಮೊದಲ ಪತ್ನಿಯೊಂದಿಗೆ ಸೇರಿಕೊಂಡು ಶ್ರೀದೇವಿಯವರಿಗೆ ಚಿತ್ರಹಿಂಸೆ ನೀಡಿ (Bagalkot Love Conversion) ಮನೆಯಿಂದ ಹೊರಹಾಕಿದ್ದಾನೆ ಎಂದು ಮಹಿಳೆ ಆರೋಪಿಸಿದ್ದಾರೆ. “ನನಗೆ ಈಗ ಮೊದಲ ಗಂಡನೂ ಇಲ್ಲ, ಎರಡನೇ ಪತಿಯೂ ಕೈಕೊಟ್ಟಿದ್ದಾನೆ. ಮಕ್ಕಳನ್ನು ಕಟ್ಟಿಕೊಂಡು ನಾನು ಎಲ್ಲಿಗೆ ಹೋಗಲಿ?” – ಇದು ಸಂತ್ರಸ್ತ ಮಹಿಳೆಯ ದಯನೀಯ ಪ್ರಶ್ನೆ. Read this also : ಕಲಬುರಗಿಯಲ್ಲಿ ಬೆಚ್ಚಿಬೀಳಿಸುವ ಘಟನೆ: ಮಠದಲ್ಲಿದ್ದ ಅಸಹಾಯಕಿ ಮೇಲೆ ಕಾಮುಕನ ಅಟ್ಟಹಾಸ; ವಿಡಿಯೋ ವೈರಲ್!
ಪೋಲೀಸ್ ವರಿಷ್ಠಾಧಿಕಾರಿಗಳ ಭರವಸೆ
ತಮಗೆ ನ್ಯಾಯ ಸಿಗುತ್ತಿಲ್ಲ ಎಂದು ಮಹಿಳೆ ಬಾಗಲಕೋಟೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ (SP) ಕಚೇರಿ ಎದುರು ಕಣ್ಣೀರು ಹಾಕಿದ್ದಾರೆ. ಮುಧೋಳ ಠಾಣೆಯ ಪೊಲೀಸರು ಸರಿಯಾಗಿ (Bagalkot Love Conversion) ಸ್ಪಂದಿಸುತ್ತಿಲ್ಲ ಎಂಬುದು ಅವರ ಮುಖ್ಯ ದೂರು. ವಿಷಯ ತಿಳಿದ ಬಾಗಲಕೋಟೆ ಎಸ್ಪಿ ಸಿದ್ದಾರ್ಥ ಗೋಯಲ್ ಅವರು ತಕ್ಷಣ ಕಾರ್ಯಪ್ರವೃತ್ತರಾಗಿದ್ದು, ಈ ಕೆಳಗಿನ ಕ್ರಮಗಳ ಭರವಸೆ ನೀಡಿದ್ದಾರೆ. ಪ್ರೀತಿ ಮತ್ತು ನಂಬಿಕೆಯ ಹೆಸರಿನಲ್ಲಿ ನಡೆಯುವ ಇಂತಹ ವಂಚನೆಗಳು ಸಮಾಜಕ್ಕೆ ದೊಡ್ಡ ಎಚ್ಚರಿಕೆ. ಭಾವನಾತ್ಮಕ ನಿರ್ಧಾರಗಳು ಜೀವನವನ್ನೇ ಹೇಗೆ ಹಳಿ ತಪ್ಪಿಸಬಹುದು ಎಂಬುದಕ್ಕೆ ಈ ಘಟನೆ ಒಂದು ಉದಾಹರಣೆ. ಶ್ರೀದೇವಿಯವರಿಗೆ ಶೀಘ್ರದಲ್ಲೇ ನ್ಯಾಯ ಸಿಗಲಿ ಎಂಬುದು ಎಲ್ಲರ ಆಶಯ.