ನೀವೂ ಕೂಡ ಹಲವು ವರ್ಷಗಳಿಂದ ಒಂದೇ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದೀರಾ? ಆದರೆ, ನಿಮಗೆ ಇನ್ನೂ ಪಿಎಫ್ (PF Registration) ಸೌಲಭ್ಯ ಸಿಕ್ಕಿಲ್ಲವೇ? ಕಂಪನಿಯ ನಿರ್ಲಕ್ಷ್ಯವೋ ಅಥವಾ ಬೇರೆ ತಾಂತ್ರಿಕ ಕಾರಣವೋ… ಕಾರಣ ಏನೇ ಇರಲಿ, ನಿಮಗೊಂದು ಭರ್ಜರಿ ಗುಡ್ ನ್ಯೂಸ್ ಇಲ್ಲಿದೆ. ಹೌದು, ನೀವು ಈಗಲೂ ಪಿಎಫ್ ಸೌಲಭ್ಯವನ್ನು ಪಡೆಯಬಹುದು. ಇದಕ್ಕಾಗಿ ಇಪಿಎಫ್ಒ (EPFO) ಹೊಸದೊಂದು ಅವಕಾಶವನ್ನು ನಿಮ್ಮ ಮುಂದಿಟ್ಟಿದೆ.
PF Registration – ಎಂಪ್ಲಾಯೀಸ್ ಎನ್ರೋಲ್ಮೆಂಟ್ ಕ್ಯಾಂಪೇನ್ 2026
ಪಿಎಫ್ ಸೌಲಭ್ಯದಿಂದ ವಂಚಿತರಾದವರಿಗಾಗಿಯೇ ಕಾರ್ಮಿಕರ ಭವಿಷ್ಯ ನಿಧಿ ಸಂಸ್ಥೆ (EPFO) ಹೊಸ ಹೆಜ್ಜೆಯಿಟ್ಟಿದೆ. ತಾಂತ್ರಿಕ ಕಾರಣಗಳಿಂದಾಗಿ ಅಥವಾ ಕಂಪನಿಗಳ ನಿರ್ಲಕ್ಷ್ಯದಿಂದಾಗಿ ಪಿಎಫ್ ವ್ಯಾಪ್ತಿಗೆ ಬರದ ಉದ್ಯೋಗಿಗಳನ್ನು ಸೇರಿಸಿಕೊಳ್ಳಲು ‘ಎಂಪ್ಲಾಯೀಸ್ ಎನ್ರೋಲ್ಮೆಂಟ್ ಕ್ಯಾಂಪೇನ್ (EEC) 2026′ ಎಂಬ ವಿಶೇಷ ಅಭಿಯಾನವನ್ನು ಶುರು ಮಾಡಿದೆ. Read this also : EPFO ಹೊಸ ಅಪ್ಡೇಟ್: ಆಧಾರ್ ನಂಬರ್ ಇದ್ರೆ ಸಾಕು, ನಿಮ್ಮ ಹಳೆಯ ಮತ್ತು ನಿಷ್ಕ್ರಿಯ ಪಿಎಫ್ ಖಾತೆಯ ಹಣ ಸುಲಭವಾಗಿ ಪಡೆಯಿರಿ!
ಯಾರಿಗೆಲ್ಲಾ ಸಿಗಲಿದೆ ಈ ಅವಕಾಶ? ಡೆಡ್ಲೈನ್ ಯಾವಾಗ?
ಈ ಹೊಸ ಯೋಜನೆಯ ಲಾಭ ಪಡೆಯಲು ಕೆಲವು ಮಾನದಂಡಗಳಿವೆ. ಆ ವಿವರಗಳು ಹೀಗಿವೆ:
- ಅರ್ಹತೆಯ ಅವಧಿ: ಏಪ್ರಿಲ್ 1, 2009 ರಿಂದ ಮಾರ್ಚ್ 31, 2026 ರ ನಡುವೆ ಪಿಎಫ್ಗೆ ಸೇರಲು ಅರ್ಹತೆ ಇದ್ದು, ಯಾವುದೋ ಕಾರಣಕ್ಕೆ ಸೇರ್ಪಡೆಯಾಗದ ಉದ್ಯೋಗಿಗಳಿಗೆ ಈ ಸ್ಕೀಮ್ ಅನ್ವಯಿಸುತ್ತದೆ. ಅಂದರೆ ಕಳೆದ 17 ವರ್ಷಗಳ ಅವಧಿಯಲ್ಲಿ ಪಿಎಫ್ಗೆ ಸೇರದವರಿಗೆ ಇದೊಂದು ಸುವರ್ಣ ಅವಕಾಶ.
- ಮುಖ್ಯ ಷರತ್ತು: ಈ ಅವಕಾಶವನ್ನು ಬಳಸಿಕೊಳ್ಳಲು ಉದ್ಯೋಗಿ ಪ್ರಸ್ತುತ ಅದೇ ಕಂಪನಿಯಲ್ಲಿ ಕೆಲಸ ಮಾಡುತ್ತಿರಬೇಕು. ಕೆಲಸ ಬಿಟ್ಟವರಿಗೆ ಅಥವಾ ಹಳೆಯ ಕಂಪನಿಗಳಿಗೆ ಇದು ಅನ್ವಯಿಸುವುದಿಲ್ಲ.
- ಕೊನೆಯ ದಿನಾಂಕ: ಈ ವಿಶೇಷ ರಿಜಿಸ್ಟ್ರೇಷನ್ಗೆ ಅಕ್ಟೋಬರ್ 31 ರವರೆಗೆ ಮಾತ್ರ ಅವಕಾಶವಿದೆ.
ಉದ್ಯೋಗಿಗಳಿಗೆ ಬಂಪರ್: ನಿಮ್ಮ ಪಾಲಿನ ಹಣ (Employee Share) ಕಟ್ಟುವಂತಿಲ್ಲ!
ಈ ಸ್ಕೀಮ್ನ ಅತಿ ದೊಡ್ಡ ಪ್ಲಸ್ ಪಾಯಿಂಟ್ ಏನೆಂದರೆ, ಉದ್ಯೋಗಿಗಳ ಮೇಲೆ ಯಾವುದೇ ಆರ್ಥಿಕ ಹೊರೆ ಬೀಳುವುದಿಲ್ಲ. ನೀವು ಈಗ ಹೊಸದಾಗಿ ಪಿಎಫ್ಗೆ ಸೇರ್ಪಡೆಯಾದರೆ, ನಿಮ್ಮ ಹಿಂದಿನ ಪಾಲಿನ ಹಣವನ್ನು (Employee Contribution) ನೀವು ಕಟ್ಟುವ ಅಗತ್ಯವಿಲ್ಲ!
ಈ ಹಿಂದೆ ನಿಮ್ಮ ಸಂಬಳದಿಂದ ಪಿಎಫ್ ಕಟ್ ಆಗಿಲ್ಲದಿದ್ದರೆ, ಅದನ್ನು ಈಗ ಪಾವತಿಸುವಂತಿಲ್ಲ. ಉದ್ಯೋಗಿಯ ಪಾಲನ್ನು ಸಂಪೂರ್ಣವಾಗಿ ಮನ್ನಾ ಮಾಡಲಾಗಿದ್ದು, ಕಂಪನಿಯು (Employer) ಮಾತ್ರ ತನ್ನ ಪಾಲಿನ ಹಣವನ್ನು ಕಟ್ಟಬೇಕಾಗುತ್ತದೆ. ಉದ್ಯೋಗಿಗಳ ಜೇಬಿನಿಂದ ಒಂದು ರೂಪಾಯಿ ಕೂಡ ಹೋಗದಂತೆ ಪಿಎಫ್ ಸೌಲಭ್ಯ ಒದಗಿಸುವುದು ಇಪಿಎಫ್ಒ ಉದ್ದೇಶವಾಗಿದೆ. ಕೆಲವು ಕಂಪನಿಗಳು ಕಾನೂನು ತೊಡಕುಗಳಿಂದ ತಪ್ಪಿಸಿಕೊಳ್ಳಲು ಉದ್ಯೋಗಿಗಳಿಗೆ ಪಿಎಫ್ ನೀಡುತ್ತಿರಲಿಲ್ಲ, ಅಂಥವರಿಗೂ ಈಗ ಯಾವುದೇ ವಿವಾದವಿಲ್ಲದೆ ಪಿಎಫ್ ವ್ಯಾಪ್ತಿಗೆ ಬರಲು ಇದೊಂದು ಉತ್ತಮ ಮಾರ್ಗವಾಗಿದೆ.
ಪಿಎಫ್ ರಿಜಿಸ್ಟ್ರೇಷನ್ ಮಾಡಿಕೊಳ್ಳುವುದು ಹೇಗೆ? (How to Register Online)
ಇದರಲ್ಲಿ ಸೇರಲು ಉದ್ಯೋಗಿಗಳು ನೇರವಾಗಿ ತಮ್ಮ ಕಂಪನಿಯ ಹೆಚ್ಆರ್ (HR) ಅಥವಾ ಮ್ಯಾನೇಜ್ಮೆಂಟ್ ಅನ್ನು ಸಂಪರ್ಕಿಸಬೇಕು. ಮುಂದಿನ ಪ್ರಕ್ರಿಯೆಯನ್ನು ಕಂಪನಿಯೇ ಮಾಡುತ್ತದೆ.
- ಕಂಪನಿಗಳು ತಮ್ಮ ದಾಖಲೆಗಳನ್ನು ಪರಿಶೀಲಿಸಿ ಅರ್ಹ ಉದ್ಯೋಗಿಗಳನ್ನು ಮೊದಲು ಗುರುತಿಸಬೇಕು.
- ನಂತರ ಉಮಂಗ್ ಆಪ್ (Umang App) ಮೂಲಕ ಹೊಸ UAN (Universal Account Number) ಅನ್ನು ಜನರೇಟ್ ಮಾಡಬೇಕು.
- ಆ ಬಳಿಕ ಎಲೆಕ್ಟ್ರಾನಿಕ್ ಚಲನ್ ಕಮ್ ರಿಟರ್ನ್ (ECR) ಮೂಲಕ ಕಂಪನಿಗಳು ಕಾನೂನುಬದ್ಧವಾಗಿ ತಮ್ಮ ಪಾಲಿನ ಹಣವನ್ನು ಜಮೆ ಮಾಡಬೇಕು.
- ಈ ಸಂಪೂರ್ಣ ಪ್ರಕ್ರಿಯೆ ಆನ್ಲೈನ್ನಲ್ಲೇ ನಡೆಯಲಿದ್ದು, ಮಧ್ಯವರ್ತಿಗಳ ಕಾಟ ಇರುವುದಿಲ್ಲ.
ಅಕ್ಟೋಬರ್ 31 ಹತ್ತಿರ ಬರುತ್ತಿರುವುದರಿಂದ, ನಿಮ್ಮ ಪಿಎಫ್ ಖಾತೆ ಇನ್ನೂ ಓಪನ್ ಆಗಿಲ್ಲದಿದ್ದರೆ, ಕೂಡಲೇ ನಿಮ್ಮ ಕಂಪನಿಯ ಆಡಳಿತ ಮಂಡಳಿ ಜೊತೆ ಮಾತನಾಡಿ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಿ.