ಇತ್ತೀಚಿನ ದಿನಗಳಲ್ಲಿ ಸಂಬಂಧಗಳು ಮತ್ತು ವಿವಾಹ ವ್ಯವಸ್ಥೆಯ ಮೇಲಿನ ನಂಬಿಕೆಗೆ ಧಕ್ಕೆ ತರುವಂತಹ ಅದೆಷ್ಟೋ ವಿಚಿತ್ರ ಘಟನೆಗಳು ಬೆಳಕಿಗೆ ಬರುತ್ತಿವೆ. ಮದುವೆಗೆ ಮುಂಚಿನ ಸಂಬಂಧಗಳನ್ನು ಮುಂದುವರಿಸಲು ಹೋಗಿ ಹೊಸ ಜೀವನವನ್ನೇ ಹಾಳು ಮಾಡಿಕೊಳ್ಳುವ ಘಟನೆಯೊಂದು (Bihar Newlywed Woman) ಬಿಹಾರದ ಮಧೇಪುರ ಜಿಲ್ಲೆಯಲ್ಲಿ ನಡೆದಿದ್ದು, ರಕ್ಷಾಬಂಧನ ಹಬ್ಬದ ದಿನವೇ ಗಂಡನಿಗೆ ನವವಧು ಬಿಗ್ ಶಾಕ್ ನೀಡಿದ್ದಾಳೆ.
Bihar Newlywed Woman – ರಕ್ಷಾಬಂಧನದ ಸಂಭ್ರಮದಲ್ಲೇ ಗಂಡನಿಗೆ ಸಿಕ್ತು ಶಾಕಿಂಗ್ ಟ್ವಿಸ್ಟ್
ಬಿಹಾರದ ಮಧೇಪುರ ಜಿಲ್ಲೆಯ ಚೌಸಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಅಚ್ಚರಿಯ ಘಟನೆ ನಡೆದಿದೆ. ಭಾಗಲ್ಪುರ್ ಜಿಲ್ಲೆಯ ನಾರಾಯಣ್ಪುರದ ನಿವಾಸಿ ಪಿಂಟು ಕುಮಾರ್ ಎಂಬ ಯುವಕನಿಗೆ ಪೂರ್ಣಿಯಾ ಜಿಲ್ಲೆಯ ತಾರಾವತಿ ಕುಮಾರಿ ಎಂಬ ಯುವತಿಯೊಂದಿಗೆ ಕಳೆದ ಆಗಸ್ಟ್ 7 ರಂದು ವಿವಾಹವಾಗಿತ್ತು. ಮದುವೆಯಾಗಿ ಕೆಲವೇ ದಿನಗಳು ಕಳೆದಿದ್ದರಿಂದ ನವದಂಪತಿಗಳು ಖುಷಿಯಾಗಿದ್ದರು. ರಕ್ಷಾಬಂಧನ ಹಬ್ಬದ ಪ್ರಯುಕ್ತ ಹೆಂಡತಿಯನ್ನು ಆಕೆಯ ತವರು ಮನೆಗೆ ಬಿಡಲು ಗಂಡ ಪಿಂಟು ಕುಮಾರ್ ಬೈಕ್ ಮೇಲೆ ಉತ್ಸಾಹದಿಂದ ಕರೆದುಕೊಂಡು ಹೊರಟಿದ್ದನು.
ಸಿಹಿ ತಿಂಡಿ ಅಂಗಡಿ ಬಳಿ ಮಾಯವಾದ ಹೆಂಡತಿ
ತವರು ಮನೆಗೆ ಹೋಗುವ ಮಾರ್ಗಮಧ್ಯೆ ಸಿಹಿ ತಿನಿಸುಗಳನ್ನು ಕೊಂಡೊಯ್ಯಲು ನಿರ್ಧರಿಸಿದ ಪತ್ನಿ, ದಾರಿಯಲ್ಲಿದ್ದ ಒಂದು ಸ್ವೀಟ್ ಅಂಗಡಿಯ ಬಳಿ ಬೈಕ್ ನಿಲ್ಲಿಸುವಂತೆ ಗಂಡನಿಗೆ ಸೂಚಿಸಿದ್ದಾಳೆ. ಆಕೆಯ (Bihar Newlywed Woman) ಮಾತನ್ನು ನಂಬಿದ ಪಿಂಟು ಕುಮಾರ್ ಸಿಹಿ ತಿಂಡಿ ಖರೀದಿಸಲು ಅಂಗಡಿಯೊಳಗೆ ತೆರಳಿದ್ದಾನೆ. ಆದರೆ ಕೆಲವೇ ನಿಮಿಷಗಳಲ್ಲಿ ಸ್ವೀಟ್ಸ್ ಪ್ಯಾಕ್ ಮಾಡಿಸಿಕೊಂಡು ವಾಪಸ್ ಬಂದು ನೋಡಿದಾಗ, ಹೆಂಡತಿ ಬೈಕ್ ಬಳಿ ಇರಲಿಲ್ಲ. ಸುತ್ತಮುತ್ತಲಿನ ರಸ್ತೆಗಳಲ್ಲಿ ಮತ್ತು ಅಂಗಡಿಗಳಲ್ಲಿ ಎಷ್ಟು ಹುಡುಕಾಡಿದರೂ ಆಕೆಯ ಸುಳಿವು ಸಿಗದೆ ಗಂಡ ಕಂಗಾಲಾಗಿದ್ದಾನೆ. Read this also : ತನ್ನ ರಕ್ಷಕರನ್ನೇ ಅಣ್ಣಂದಿರೆಂದು ರಾಖಿ ಕಟ್ಟಿದ ಪುಟ್ಟ ಬಾಲಕಿ! ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಕ್ಯೂಟ್ ವಿಡಿಯೋ…!
ಪ್ರಿಯಕರ ಉತ್ಕರ್ಷ್ ಜೊತೆ ಮೊದಲೇ ರೂಪಿಸಿದ್ದ ಖತರ್ನಾಕ್ ಪ್ಲಾನ್
ಕೊನೆಗೆ ಯಾವುದೇ ದಾರಿ ಕಾಣದೆ ಪತಿ ಚೌಸಾ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದಾಗ ಅಸಲಿ ರಹಸ್ಯ ಬಯಲಾಗಿದೆ. ತಾರಾವತಿಗೆ ಮದುವೆಗೂ ಮುಂಚೆಯೇ (Bihar Newlywed Woman) ಪೂರ್ಣಿಯಾ ಮೂಲದ ಉತ್ಕರ್ಷ್ ಕುಮಾರ್ ಎಂಬ ಯುವಕನ ಜೊತೆ ಪ್ರೇಮ ಸಂಬಂಧವಿತ್ತು ಎಂಬುದು ತನಿಖೆಯಲ್ಲಿ ತಿಳಿದುಬಂದಿದೆ. ಹಬ್ಬದ ನೆಪದಲ್ಲಿ ತಾನು ಗಂಡನ ಜೊತೆ ತವರಿಗೆ ಹೊರಟಿರುವ ಸಮಯವನ್ನು ಆಕೆ ಮೊದಲೇ ಪ್ರಿಯಕರನಿಗೆ ತಿಳಿಸಿದ್ದಳು. ಗಂಡ ಅಂಗಡಿಯೊಳಗೆ ಹೋಗುತ್ತಿದ್ದಂತೆ, ಮೊದಲೇ ಪ್ಲಾನ್ ಮಾಡಿಕೊಂಡಂತೆ ಸ್ಥಳಕ್ಕೆ ಬಂದಿದ್ದ ಪ್ರಿಯಕರನ ಜೊತೆ ಆಕೆ ಎಸ್ಕೇಪ್ ಆಗಿದ್ದಾಳೆ.
ಕೇವಲ 19 ದಿನಗಳ ಸಂಸಾರ: ನಡುರಸ್ತೆಯಲ್ಲೇ ಕಣ್ಣೀರಿಟ್ಟ ಪತಿ
ಮದುವೆಯಾಗಿ ಕೇವಲ ಹತ್ತೊಂಬತ್ತು ದಿನಗಳು ಕಳೆಯುವಷ್ಟರಲ್ಲೇ ಇಂತಹ ಭಾರಿ ವಂಚನೆ ಎದುರಿಸಿದ ಪಿಂಟು ಕುಮಾರ್ ನಡುರಸ್ತೆಯಲ್ಲೇ ಕಣ್ಣೀರಿಟ್ಟು ಗೋಳಾಡಿದ್ದಾರೆ. (Bihar Newlywed Woman) ತನ್ನನ್ನು ನಂಬಿಸಿ ಈ ರೀತಿ ಮೋಸ ಮಾಡಿದ ಪತ್ನಿ ಹಾಗೂ ಆಕೆಯ ಪ್ರಿಯಕರನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಪೊಲೀಸರಲ್ಲಿ ಮನವಿ ಮಾಡಿದ್ದಾರೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಪರಾರಿಯಾದ ನವವಧು ಮತ್ತು ಆಕೆಯ ಪ್ರಿಯಕರನಿಗಾಗಿ ತೀವ್ರ ಶೋಧ ನಡೆಸುತ್ತಿದ್ದಾರೆ.