ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ ಆರೋಗ್ಯ ಯೋಜನೆಯಾದ ಆಯುಷ್ಮಾನ್ ಭಾರತ್ (PM-JAY) ಫಲಾನುಭವಿಗಳಿಗೆ ಒಂದು ಅತ್ಯುತ್ತಮ ಸುದ್ದಿ ಇಲ್ಲಿದೆ. ಇನ್ಮುಂದೆ ನೀವು ಆಯುಷ್ಮಾನ್ ಕಾರ್ಡ್ ಪಡೆಯಲು ಅಥವಾ ಅದಕ್ಕೆ ಸಂಬಂಧಿಸಿದ ಮಾಹಿತಿ ತಿಳಿಯಲು ಸರ್ಕಾರಿ ಕಚೇರಿಗಳಿಗಾಗಲಿ ಅಥವಾ ಕಾಲ್ ಸೆಂಟರ್ಗಳಿಗಾಗಲಿ ಅಲೆಯಬೇಕಾಗಿಲ್ಲ.
ಕೇಂದ್ರ ಆರೋಗ್ಯ ಸಚಿವ ಜೆ.ಪಿ. ನಡ್ಡಾ ಅವರು ‘ಆಯುಷ್ಮಾನ್ ಸಾರಥಿ’ (Ayushman Saarthi) ಎಂಬ ಹೊಸ ವಾಟ್ಸಾಪ್ ಚಾಟ್ಬಾಟ್ ಸೇವೆಗೆ ಚಾಲನೆ ನೀಡಿದ್ದಾರೆ. ಇದರ ಮೂಲಕ ಫಲಾನುಭವಿಗಳು ದಿನದ 24 ಗಂಟೆಯೂ, ಎಲ್ಲಿಂದಲಾದರೂ ಕೇವಲ ಒಂದು ವಾಟ್ಸಾಪ್ ಸಂದೇಶದ ಮೂಲಕ ಯೋಜನೆಗೆ ಸಂಬಂಧಿಸಿದ ಎಲ್ಲಾ ಸೌಲಭ್ಯಗಳನ್ನು ಪಡೆಯಬಹುದು.
ಏನಿದು ಆಯುಷ್ಮಾನ್ ಸಾರಥಿ Ayushman Saarthi ಚಾಟ್ಬಾಟ್?
ಆಯುಷ್ಮಾನ್ ಸಾರಥಿ ಎಂಬುದು ಆಯುಷ್ಮಾನ್ ಭಾರತ್ ಪ್ರಧಾನ ಮಂತ್ರಿ ಜನ ಆರೋಗ್ಯ ಯೋಜನೆಯ ಫಲಾನುಭವಿಗಳಿಗಾಗಿ ಕೇಂದ್ರ ಸರ್ಕಾರ, ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (NHA) ಮತ್ತು ಆರೋಗ್ಯ ಸಚಿವಾಲಯ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ಒಂದು ಹೊಸ ಡಿಜಿಟಲ್ ಹೆಲ್ತ್ ಸೇವೆಯಾಗಿದೆ.
ವಿಶೇಷವಾಗಿ ಗ್ರಾಮೀಣ ಮತ್ತು ದೂರದ ಪ್ರದೇಶಗಳಲ್ಲಿ ವಾಸಿಸುವ ಜನರಿಗೆ ಆರೋಗ್ಯ ಸೇವೆಗಳನ್ನು ಸುಲಭವಾಗಿ ತಲುಪಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ. ಈ ಚಾಟ್ಬಾಟ್ ನೇರವಾಗಿ PM-JAY ವ್ಯವಸ್ಥೆಯೊಂದಿಗೆ ಲಿಂಕ್ ಆಗಿರುವುದರಿಂದ, ಬಳಕೆದಾರರಿಗೆ ತಕ್ಷಣವೇ ಮತ್ತು ನಿಖರವಾದ ಮಾಹಿತಿಯನ್ನು ಇದು ಒದಗಿಸುತ್ತದೆ. Read this also : PM Ujjwala Yojana 2026 : ಉಚಿತ ಎಲ್ಪಿಜಿ ಕನೆಕ್ಷನ್ ಮತ್ತು ₹1600 ಸಬ್ಸಿಡಿ: ಪಿಎಂ ಉಜ್ವಲ ಯೋಜನೆಗೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ಸಂಪೂರ್ಣ ವಿವರ…!
ವಾಟ್ಸಾಪ್ನಲ್ಲಿ ಲಭ್ಯವಿರುವ ಪ್ರಮುಖ ಫೀಚರ್ಗಳು ಯಾವುವು?
‘ಆಯುಷ್ಮಾನ್ ಸಾರಥಿ’ ಚಾಟ್ಬಾಟ್ ಕೇವಲ ಮಾಹಿತಿಯನ್ನಷ್ಟೇ ನೀಡುವುದಿಲ್ಲ, ಬದಲಿಗೆ ನಿಮ್ಮ ಹಲವು ಕೆಲಸಗಳನ್ನು ಮನೆಯಲ್ಲೇ ಕುಳಿತು ಮಾಡಲು ಸಹಾಯ ಮಾಡುತ್ತದೆ:
- ಅರ್ಹತೆ ಪರಿಶೀಲನೆ: ನೀವು ಆಯುಷ್ಮಾನ್ ಭಾರತ್ ಯೋಜನೆಗೆ ಅರ್ಹರಾಗಿದ್ದೀರಾ ಇಲ್ಲವೇ ಎಂಬುದನ್ನು ಇಲ್ಲಿಯೇ ಪರಿಶೀಲಿಸಬಹುದು.
- ಕಾರ್ಡ್ ಡೌನ್ಲೋಡ್ ಮತ್ತು ಇ-ಕೆವೈಸಿ: ಹೊಸ ಆಯುಷ್ಮಾನ್ ಕಾರ್ಡ್ (Ayushman Saarthi) ಸಿದ್ಧಪಡಿಸುವುದು, ಡೌನ್ಲೋಡ್ ಮಾಡುವುದು ಮತ್ತು ಇ-ಕೆವೈಸಿ (e-KYC) ಪ್ರಕ್ರಿಯೆಯನ್ನು ಮರುಪೂರ್ಣಗೊಳಿಸಬಹುದು.
- ಆಧಾರ್ ಲಿಂಕಿಂಗ್: ನಿಮ್ಮ ಆಯುಷ್ಮಾನ್ ಕಾರ್ಡ್ಗೆ ಆಧಾರ್ ಕಾರ್ಡ್ ಲಿಂಕ್ ಮಾಡುವ ಸೌಲಭ್ಯ.
- ಕಾರ್ಡ್ ಲಾಕ್ ಮತ್ತು ಅನ್ಲಾಕ್: ಸುರಕ್ಷತೆಯ ದೃಷ್ಟಿಯಿಂದ ನಿಮ್ಮ ಕಾರ್ಡ್ ಅನ್ನು ಲಾಕ್ ಅಥವಾ ಅನ್ಲಾಕ್ ಮಾಡಬಹುದು.
- ಹಿರಿಯ ನಾಗರಿಕರಿಗೆ ವಿಶೇಷ ಮಾಹಿತಿ: 70 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗಾಗಿ ಇರುವ ‘ಆಯುಷ್ಮಾನ್ ವಯ ವಂದನಾ’ ಕಾರ್ಡ್ ವಿವರಗಳನ್ನು ಇಲ್ಲಿ ಪಡೆಯಬಹುದು.
- ಬ್ಯಾಲೆನ್ಸ್ ಮತ್ತು ಚಿಕಿತ್ಸೆಯ ದಾಖಲೆ: ನಿಮ್ಮ ಯೋಜನೆಯ ವ್ಯಾಲೆಟ್ ಬ್ಯಾಲೆನ್ಸ್ ಮತ್ತು ಈ ಹಿಂದೆ ಪಡೆದ ಚಿಕಿತ್ಸೆಗಳ ಹಿಸ್ಟರಿಯನ್ನು ಪರಿಶೀಲಿಸಬಹುದು.
- ಆಸ್ಪತ್ರೆಗಳ ಪತ್ತೆ: ಚಿಕಿತ್ಸೆಗಾಗಿ ನಿಮ್ಮ ಹತ್ತಿರದಲ್ಲಿರುವ ನೋಂದಾಯಿತ (Empanelled) ಆಸ್ಪತ್ರೆಗಳನ್ನು ಸುಲಭವಾಗಿ ಹುಡುಕಬಹುದು.
- ದೂರು ದಾಖಲಾತಿ: ಯಾವುದೇ ಸಮಸ್ಯೆ ಇದ್ದಲ್ಲಿ ದೂರು ದಾಖಲಿಸಬಹುದು, ಅದರ ಸ್ಥಿತಿಗತಿಯನ್ನು ಟ್ರ್ಯಾಕ್ ಮಾಡಬಹುದು ಅಥವಾ ದೂರನ್ನು ಹಿಂಪಡೆಯಬಹುದು.
- ಕಾಲ್ ಬ್ಯಾಕ್ ಮತ್ತು ಫೀಡ್ಬ್ಯಾಕ್: ಅಗತ್ಯವಿದ್ದರೆ ಕಾಲ್ ಬ್ಯಾಕ್ (Ayushman Saarthi) ಮಾಡಲು ವಿನಂತಿಸಬಹುದು ಮತ್ತು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ನಂತರ ನಿಮ್ಮ ಅನುಭವದ ಬಗ್ಗೆ ಫೀಡ್ಬ್ಯಾಕ್ ನೀಡಬಹುದು.
ಆಯುಷ್ಮಾನ್ ಸಾರಥಿ ಬಳಸುವುದು ಹೇಗೆ?
ಈ ಸ್ಮಾರ್ಟ್ ಸೇವೆಯನ್ನು (Ayushman Saarthi) ಬಳಸುವುದು ತುಂಬಾ ಸರಳವಾಗಿದೆ:
- ಮೊದಲು ನಿಮ್ಮ ಮೊಬೈಲ್ನಲ್ಲಿ +91 72908 23838 ಸಂಖ್ಯೆಯನ್ನು ಸೇವ್ ಮಾಡಿಕೊಳ್ಳಿ.
- ನಂತರ ನಿಮ್ಮ ವಾಟ್ಸಾಪ್ ಓಪನ್ ಮಾಡಿ, ಈ ಸಂಖ್ಯೆಗೆ “Hi” ಎಂದು ಸಂದೇಶ ಕಳುಹಿಸಿ.
- ಅಥವಾ ಸರ್ಕಾರದ ಅಧಿಕೃತ QR ಕೋಡ್ ಅನ್ನು ಸ್ಕಾನ್ ಮಾಡುವ ಮೂಲಕವೂ ನೇರವಾಗಿ ಈ ಚಾಟ್ಬಾಟ್ ಸಂಪರ್ಕಿಸಬಹುದು.
ಗಮನಿಸಿ: ಈ ಸೌಲಭ್ಯವು ವಾರದ ಏಳೂ (Ayushman Saarthi) ದಿನಗಳು, ದಿನದ 24 ಗಂಟೆಯೂ ಸಾರ್ವಜನಿಕರಿಗೆ ಲಭ್ಯವಿರುತ್ತದೆ.
ಈ ಹೊಸ ಡಿಜಿಟಲ್ ಹೆಜ್ಜೆಯು ಆರೋಗ್ಯ ಸೇವೆಯನ್ನು ಮುನುಪೆಂದಿಗಿಂತಲೂ ಹೆಚ್ಚು ಪಾರದರ್ಶಕ, ವೇಗ ಮತ್ತು ಸುಲಭವಾಗಿಸಲಿದೆ ಎಂದು ಸರ್ಕಾರ ತಿಳಿಸಿದೆ. ತಡ ಮಾಡದೆ ಈ ನಂಬರ್ ಸೇವ್ ಮಾಡಿಕೊಳ್ಳಿ ಮತ್ತು ನಿಮ್ಮ ಆಯುಷ್ಮಾನ್ ಭಾರತ್ ಸೇವೆಗಳನ್ನು ವಾಟ್ಸಾಪ್ನಲ್ಲೇ ಪಡೆದುಕೊಳ್ಳಿ!