ಪ್ರಕೃತಿಯಲ್ಲಿ ಆಗಾಗ ನಡೆಯುವ ವಿಚಿತ್ರ ಘಟನೆಗಳು ನಮ್ಮನ್ನು ಬೆರಗುಗೊಳಿಸುತ್ತವೆ. ಕೆಲವೊಮ್ಮೆ ಇವು ದೈವಿಕ ಸಂಕೇತಗಳಂತೆ (Viral News) ಕಂಡರೆ, ಇನ್ನು ಕೆಲವೊಮ್ಮೆ ವೈಜ್ಞಾನಿಕ ಅಚ್ಚರಿಗಳಾಗಿ ಉಳಿಯುತ್ತವೆ. ಅಂತಹದ್ದೇ ಒಂದು ನಂಬಲಸಾಧ್ಯವಾದ ಘಟನೆ ತೆಲಂಗಾಣದ ನಾಗರಕರ್ನೂಲ್ ಜಿಲ್ಲೆಯಲ್ಲಿ ನಡೆದಿದೆ. ಹಂದಿಯೊಂದು ಆನೆ ಮರಿಯ ಆಕಾರದ ಮರಿಗೆ ಜನ್ಮ ನೀಡಿದ ಸುದ್ದಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾನೆ ಹರಡುತ್ತಿದೆ.
Viral News – ಗ್ರಾಮದಲ್ಲಿ ನಡೆದ ವಿಚಿತ್ರ ಪವಾಡ
ನಾಗರಕರ್ನೂಲ್ ಜಿಲ್ಲೆಯ ಪೆದ್ದಕೊತ್ತಪಲ್ಲಿ ಮಂಡಲದ ಕರುಪನೂಲ ಗ್ರಾಮದಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ಗ್ರಾಮದ ನಿವಾಸಿ ಕುರಾಕುಲ ವೆಂಕಟಯ್ಯ ಎಂಬುವವರು ಹಂದಿ ಸಾಕಾಣಿಕೆ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ತಮ್ಮ ಮನೆಯ ಆವರಣದಲ್ಲಿಯೇ ಸಣ್ಣದೊಂದು ಶೆಡ್ ನಿರ್ಮಿಸಿ ಹಂದಿಗಳನ್ನು ಸಾಕುತ್ತಿದ್ದಾರೆ. ಇತ್ತೀಚೆಗೆ ಅವರ ಸಾಕಿದ ಹಂದಿಯೊಂದು ಮೊದಲ ಬಾರಿಗೆ ಏಳು ಮರಿಗಳಿಗೆ ಜನ್ಮ ನೀಡಿದೆ. ಈ ಸಂಭ್ರಮದ ನಡುವೆಯೇ ವೆಂಕಟಯ್ಯ ಅವರಿಗೆ ಒಂದು ದೊಡ್ಡ ಅಚ್ಚರಿ ಕಾದಿತ್ತು.
ಆನೆ ಮರಿಯ ರೂಪವನ್ನೇ ಹೋಲುವ ಹಂದಿ ಮರಿ
ಹಂದಿ ಹಾಕಿದ ಏಳು ಮರಿಗಳಲ್ಲಿ ಒಂದು ಮರಿಯನ್ನು (Viral News) ನೋಡಿದಾಗ ವೆಂಕಟಯ್ಯ ಮತ್ತು ಅವರ ಕುಟುಂಬಸ್ಥರು ಒಂದು ಕ್ಷಣ ದಂಗಾದರು. ಆ ಮರಿ ನೋಡಲು ಅಪ್ಪಟ ಆನೆ ಮರಿಯಂತೆ ಕಾಣುತ್ತಿತ್ತು. ಆನೆಗೆ ಇರುವಂತೆಯೇ ಸಣ್ಣದಾದ ಸೊಂಡಿಲು ಮತ್ತು ದೊಡ್ಡ ಕಿವಿಗಳು ಆ ಹಂದಿ ಮರಿಗಿದ್ದವು. ಈ ವಿಷಯ ಗ್ರಾಮದಾದ್ಯಂತ ಹರಡುತ್ತಿದ್ದಂತೆ, ಆ ವಿಚಿತ್ರ ಮರಿಯನ್ನು ನೋಡಲು ಜನರು ವೆಂಕಟಯ್ಯ ಅವರ ಮನೆಗೆ ತಂಡೋಪತಂಡವಾಗಿ ಧಾವಿಸಿ ಬರತೊಡಗಿದರು. ಆನೆ ರೂಪದ ಹಂದಿ ಮರಿಯ ಫೋಟೋ ಮತ್ತು ವಿಡಿಯೋಗಳು ಈಗ ಇಂಟರ್ನೆಟ್ನಲ್ಲಿ ಸಖತ್ ವೈರಲ್ ಆಗುತ್ತಿವೆ. Read this also : ಜನರು ಓಡಾಡೋ ರಸ್ತೆಗೆ ನುಗ್ಗಿದ 15 ಅಡಿಯ ಕಾಳಿಂಗ! ಮುಂದೇನಾಯ್ತು? ಈ ಭಯಾನಕ ವಿಡಿಯೋ ನೋಡಿ..!
ಕಾಲಜ್ಞಾನದ ಚರ್ಚೆ ಮತ್ತು ಜನರ ಆತಂಕ
ಈ ವಿಚಿತ್ರ ಘಟನೆಯನ್ನು (Viral News) ಕಂಡ ಅನೇಕರು ಇದು ಶ್ರೀ ಪೋತುಲೂರಿ ವೀರಬ್ರಹ್ಮೇಂದ್ರ ಸ್ವಾಮಿಗಳ ಕಾಲಜ್ಞಾನದಲ್ಲಿ ಹೇಳಿದ ಮಾತುಗಳು ನಿಜವಾಗುತ್ತಿರುವ ಲಕ್ಷಣ ಎಂದು ಚರ್ಚಿಸುತ್ತಿದ್ದಾರೆ. “ಕಾಲಜ್ಞಾನದಲ್ಲಿ ಹೇಳಿದಂತೆ ವಿಚಿತ್ರ ಪ್ರಾಣಿಗಳ ಜನನವಾಗುತ್ತಿದೆ” ಎಂದು ಸ್ಥಳೀಯರು ತಮ್ಮ ತಮ್ಮಲ್ಲೇ ಮಾತನಾಡಿಕೊಳ್ಳುತ್ತಿದ್ದಾರೆ. ಗ್ರಾಮಸ್ಥರಲ್ಲಿ ಈ ಬಗ್ಗೆ ಕುತೂಹಲದ ಜೊತೆಗೆ ಒಂದು ರೀತಿಯ ಅಚ್ಚರಿಯ ಆತಂಕವೂ ಮನೆಮಾಡಿದೆ.
ಪಶುವೈದ್ಯರು ಹೇಳುವುದೇನು?
ದುರದೃಷ್ಟವಶಾತ್, ಆನೆ ರೂಪದಲ್ಲಿ ಜನಿಸಿದ ಹಂದಿ ಮರಿ (Viral News) ಮತ್ತು ಅದರೊಂದಿಗೆ ಮತ್ತೊಂದು ಮರಿ ಜನಿಸಿದ ಕೆಲವೇ ಕ್ಷಣಗಳಲ್ಲಿ ಸಾವನ್ನಪ್ಪಿವೆ. ಪ್ರಸ್ತುತ ಉಳಿದ ಐದು ಮರಿಗಳು ಆರೋಗ್ಯವಾಗಿವೆ ಎಂದು ತಿಳಿದುಬಂದಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪಶುವೈದ್ಯರು, ಇದು ಯಾವುದೇ ಪವಾಡವಲ್ಲ ಎಂದು ತಿಳಿಸಿದ್ದಾರೆ. ಗರ್ಭಾವಸ್ಥೆಯಲ್ಲಿ ಉಂಟಾಗುವ ಜೀನ್ ದೋಷಗಳು (Genetic Mutation) ಅಥವಾ ಹಾರ್ಮೋನ್ ವ್ಯತ್ಯಾಸಗಳಿಂದಾಗಿ ಮರಿಗಳ ಆಕಾರದಲ್ಲಿ ಇಂತಹ ಬದಲಾವಣೆಗಳು ಸಂಭವಿಸುತ್ತವೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ವೈಜ್ಞಾನಿಕವಾಗಿ ಇದು ಅಪರೂಪದ ವಿದ್ಯಮಾನವಾಗಿದ್ದರೂ, ಪ್ರಕೃತಿಯಲ್ಲಿ ಇಂತಹ ದೋಷಗಳು ಸಹಜ ಎನ್ನುವುದು ತಜ್ಞರ ಅಭಿಪ್ರಾಯವಾಗಿದೆ.
ನಮಸ್ಕಾರ, ನಾನು ಬಾಲಾಜಿ ಆರ್. 10+ ವರ್ಷಗಳ ಅನುಭವ ಹೊಂದಿರುವ ಕಂಟೆಂಟ್ ರೈಟರ್ ಹಾಗೂ ಕಾಪಿ ಎಡಿಟರ್ ಆಗಿದ್ದು, ಹಣಕಾಸು, ಸರ್ಕಾರಿ ಯೋಜನೆಗಳು, ತಂತ್ರಜ್ಞಾನ, ವೈರಲ್ ಸುದ್ದಿ, ರಾಜಕೀಯ ಸುದ್ದಿ ಮತ್ತು ಸಿನಿಮಾ ಸುದ್ದಿಗಳ ಬಗ್ಗೆ ಬರೆಯುತ್ತೇನೆ. ಸಂಕೀರ್ಣ ಮಾಹಿತಿಯನ್ನು ಸರಳವಾಗಿ ನೀಡುವುದು ನನ್ನ ಉದ್ದೇಶ. ISM Kannada News ಮೂಲಕ ನಿಖರ ಮತ್ತು ಉಪಯುಕ್ತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇನೆ.