Alwar Bride Fraud Case : ಮದುವೆಯಾದ ಒಂದೇ ತಿಂಗಳಿಗೆ ಅತ್ತೆಗೆ ವಿಷ ಹಾಕಿ ನವವಧು ಎಸ್ಕೇಪ್! ಕಿಲಾಡಿ ರೇಖಾಳ ‘ಹನಿ ಟ್ರ್ಯಾಪ್’ ಕಹಾನಿ ಇದು

ಮದುವೆ ಅಂದರೆ ಅದು ನೂರು ಕಾಲದ ಸುಂದರ ಬಂಧ ಎಂದು ನಾವೆಲ್ಲರೂ ನಂಬುತ್ತೇವೆ. ಆದರೆ, ಇಲ್ಲೊಬ್ಬಳು ಕಿಲಾಡಿ ವಧು ಮದುವೆಯನ್ನೇ ತನ್ನ ಹಣ ಲೂಟಿ ಮಾಡುವ (Alwar Bride Fraud Case) ದಂಧೆಯನ್ನಾಗಿ ಮಾಡಿಕೊಂಡಿದ್ದಾಳೆ. ಅತ್ತೆಗೆ ವಿಷ ಉಣಿಸಿ, ಮನೆಯಲ್ಲಿದ್ದ ಚಿನ್ನಾಭರಣ ಹಾಗೂ ನಗದು ಹೊತ್ತು ಪರಾರಿಯಾಗಿರುವ ಘಟನೆ ರಾಜಸ್ಥಾನದ ಅಲ್ವಾರ್‌ ನಲ್ಲಿ ನಡೆದಿದೆ. ನಂಬಿ ಮನೆಗೆ ಬಂದ ಸೊಸೆಯೇ ಇಂತಹ ಕೆಲಸ ಮಾಡಿಯಾಳು ಎಂದು ಅತ್ತೆ-ಮಾವ ಕನಸಿನಲ್ಲೂ ಯೋಚಿಸಿರಲಿಲ್ಲ. ಈ ರೋಚಕ ಕ್ರೈಂ ಸ್ಟೋರಿಯ ಪೂರ್ಣ ವಿವರ ಇಲ್ಲಿದೆ ನೋಡಿ.

Alwar Bride Fraud Case – ಏನಿದು ಘಟನೆ?

ಅಲ್ವಾರ್ ನಿವಾಸಿ ವಿಕ್ರಮ್‌ಜೀತ್ ಸಿಂಗ್ ಎಂಬುವವರು ಮೇ 26, 2025 ರಂದು ಗುರುದ್ವಾರದಲ್ಲಿ ರೇಖಾ ಕೌರ್ ಎಂಬಾಕೆಯನ್ನು ಅದ್ಧೂರಿಯಾಗಿ ಮದುವೆಯಾಗಿದ್ದರು. ಈ ಮದುವೆಗಾಗಿ ವಿಕ್ರಮ್‌ಜೀತ್ ಸುಮಾರು 5 ಲಕ್ಷ ರೂಪಾಯಿಗೂ ಹೆಚ್ಚು ಖರ್ಚು ಮಾಡಿದ್ದರು. ಆದರೆ, ಮದುವೆಯಾದ ಕೆಲವೇ ದಿನಗಳಲ್ಲಿ ರೇಖಾಳ ಅಸಲಿ ಮುಖ ಬಯಲಾಗಿದೆ.

ಅತ್ತೆಗೆ ಊಟದಲ್ಲಿ ಫಿನಾಯಿಲ್ ಬೆರೆಸಿದ ವಧು!

ಮದುವೆಯಾಗಿ ಕೇವಲ ಒಂದು ತಿಂಗಳು ಕಳೆಯುವಷ್ಟರಲ್ಲಿ, ಅಂದರೆ ಜೂನ್ 23, 2025 ರಂದು ರೇಖಾ ತನ್ನ ಕ್ರೂರ ಬುದ್ಧಿ ತೋರಿಸಿದ್ದಾಳೆ. ಅಂದು ರಾತ್ರಿ ತನ್ನ ಅತ್ತೆಗೆ ಬಡಿಸಿದ ಊಟದಲ್ಲಿ (Alwar Bride Fraud Case) ಆಕೆ ಫಿನಾಯಿಲ್ ಬೆರೆಸಿದ್ದಾಳೆ. ಊಟ ಮಾಡಿದ ಅತ್ತೆ ತೀವ್ರವಾಗಿ ಅಸ್ವಸ್ಥಗೊಂಡು ಆಸ್ಪತ್ರೆಗೆ ದಾಖಲಾದರು. ಮನೆಯವರೆಲ್ಲ ಆಸ್ಪತ್ರೆಯ ಧಾವಂತದಲ್ಲಿದ್ದಾಗ, ಇದನ್ನೇ ಸಂಚನ್ನಾಗಿ ಮಾಡಿಕೊಂಡ ರೇಖಾ ತನ್ನ ಕೈಚಳಕ ತೋರಿಸಿದ್ದಾಳೆ. ಸುಮಾರು 30,000 ರೂ. ನಗದು. ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನ ಮತ್ತು ಬೆಳ್ಳಿಯ ಹಾರಗಳು, ಬಳೆಗಳು ಹಾಗೂ ಉಂಗುರಗಳು. ಈ ಎಲ್ಲವನ್ನೂ ದೋಚಿಕೊಂಡು ರೇಖಾ ರಾತ್ರೋರಾತ್ರಿ ಮನೆಯಿಂದ ಪರಾರಿಯಾಗಿದ್ದಾಳೆ.

ತನಿಖೆಯಲ್ಲಿ ಬಯಲಾಯ್ತು ಬೆಚ್ಚಿಬೀಳಿಸುವ ಸತ್ಯ!

ಈ ಪ್ರಕರಣದ ಬಗ್ಗೆ ವಿಕ್ರಮ್‌ಜೀತ್ ಪೊಲೀಸರಿಗೆ ದೂರು ನೀಡಿದಾಗ ಒಂದು ದೊಡ್ಡ ಜಾಲವೇ ಬಯಲಿಗೆ ಬಂದಿದೆ. ಹರಿಯಾಣದ ಸಿರ್ಸಾದಲ್ಲಿರುವ ರೇಖಾಳ ಚಿಕ್ಕಮ್ಮ ಪಿಂಕಿ ಕೌರ್ ಈಕೆಯ (Alwar Bride Fraud Case) ಮಾಸ್ಟರ್ ಮೈಂಡ್! ಈ ಅತ್ತೆ-ಸೊಸೆ ಸೇರಿಕೊಂಡು ಈಗಾಗಲೇ ಹಲವು ಯುವಕರನ್ನು ಮದುವೆಯ ಹೆಸರಿನಲ್ಲಿ ಮೋಸ ಮಾಡಿರುವುದು ತನಿಖೆಯಿಂದ ತಿಳಿದುಬಂದಿದೆ. “ರೇಖಾಗೆ ಈ ಮೊದಲೇ ಮದುವೆಯಾಗಿ ವಿಚ್ಛೇದನವಾಗಿತ್ತು ಮತ್ತು ಆಕೆಗೆ ಇಬ್ಬರು ಮಕ್ಕಳೂ ಇದ್ದಾರೆ. ಇದನ್ನು ಮುಚ್ಚಿಟ್ಟು ಆಕೆ ವಿಕ್ರಮ್‌ಜೀತ್‌ನನ್ನು ಮದುವೆಯಾಗಿದ್ದಳು” ಎಂದು ಪೊಲೀಸರು ತಿಳಿಸಿದ್ದಾರೆ. Read this also : ಗಂಡನಿಗೆ ಹೊಡೆದು ಚಿನ್ನ, ಹಣದೊಂದಿಗೆ ಎಸ್ಕೇಪ್ ಆದ್ಲಾ ಪತ್ನಿ? ಯುಪಿ ವಿಡಿಯೋ ವೈರಲ್

ನ್ಯಾಯಾಲಯದ ಮೊರೆ ಹೋದ ಸಂತ್ರಸ್ತ ಪತಿ

ಘಟನೆ ನಡೆದ ತಕ್ಷಣ ಅರಾವಳಿ (Alwar Bride Fraud Case) ವಿಹಾರ್ ಪೊಲೀಸ್ ಠಾಣೆಗೆ ವಿಕ್ರಮ್‌ಜೀತ್ ದೂರು ನೀಡಿದ್ದರೂ, ಆರಂಭದಲ್ಲಿ ಪೊಲೀಸರು ಯಾವುದೇ ಕಠಿಣ ಕ್ರಮ ಕೈಗೊಂಡಿರಲಿಲ್ಲ. ಇದರಿಂದ ಬೇಸತ್ತ ವಿಕ್ರಮ್‌ಜೀತ್ ನ್ಯಾಯಾಲಯದ ಮೊರೆ ಹೋದರು. ಕೋರ್ಟ್ ಆದೇಶದ ನಂತರ ಈಗ ತನಿಖೆ ಚುರುಕುಗೊಂಡಿದ್ದು, ಹರಿಯಾಣ ಮತ್ತು ರಾಜಸ್ಥಾನದಲ್ಲಿ ಈ ಗ್ಯಾಂಗ್ ನಡೆಸಿರುವ ಸಾಲು ಸಾಲು ವಂಚನೆಗಳು ದೃಢಪಟ್ಟಿವೆ. ಮದುವೆಯಂತಹ ಪವಿತ್ರ ಬಂಧವನ್ನು ಹಣ ಮಾಡುವ ಸಾಧನವನ್ನಾಗಿ ಬಳಸಿಕೊಂಡ ಈ ಆರೋಪಿಗಳಿಗೆ ತಕ್ಕ ಶಿಕ್ಷೆಯಾಗಲಿ ಎಂಬುದು ಎಲ್ಲರ ಆಶಯವಾಗಿದೆ.