ಇಂದಿನ ಧಾವಂತದ ಬದುಕಿನಲ್ಲಿ ಪ್ರತಿಯೊಬ್ಬರೂ ತಮ್ಮ ಕೆಲಸದಲ್ಲೇ ಬ್ಯುಸಿಯಾಗಿರುತ್ತಾರೆ. ರಸ್ತೆಯಲ್ಲಿ ಯಾರಾದರೂ ಸಂಕಷ್ಟದಲ್ಲಿದ್ದರೂ ಗಮನಿಸದೆಯೇ ಮುಂದೆ ಸಾಗುವವರೇ ಹೆಚ್ಚು. ಆದರೆ, ಇಲ್ಲೊಬ್ಬ ರಾಪಿಡೋ ಚಾಲಕ (Rapido Driver) ತಾನು ಮಾಡುವ ವೃತ್ತಿಗಿಂತ ‘ಮಾನವೀಯತೆ’ ದೊಡ್ಡದು ಎಂದು ಸಾಬೀತುಪಡಿಸಿದ್ದಾರೆ. ಅಂಧ ವಿದ್ಯಾರ್ಥಿಯೊಬ್ಬರಿಗೆ ಇವರು ಮಾಡಿದ ಸಹಾಯ ಈಗ ಇಂಟರ್ನೆಟ್ನಲ್ಲಿ ಎಲ್ಲರ ಮನ ಗೆಲ್ಲುತ್ತಿದೆ.
Rapido Driver – ಏನಿದು ಘಟನೆ?
ಅಸ್ಸಾಂ ರಾಜಧಾರಿ ಗುವಾಹಟಿಯಲ್ಲಿ ಈ ಘಟನೆ ನಡೆದಿದೆ. ಅಂಧ ವಿದ್ಯಾರ್ಥಿಯೊಬ್ಬರು ಕಾಲೇಜಿಗೆ ಹೋಗಲು ರಾಪಿಡೋ ಬೈಕ್ ಬುಕ್ ಮಾಡಿದ್ದರು. ರೈಡ್ ಸ್ವೀಕರಿಸಿದ ಚಾಲಕ, ವಿದ್ಯಾರ್ಥಿಯನ್ನು ಅತ್ಯಂತ ಜಾಗರೂಕತೆಯಿಂದ ಬೈಕ್ ಮೇಲೆ ಕೂರಿಸಿಕೊಂಡು ಕಾಲೇಜಿನವರೆಗೆ ಕರೆತಂದರು. ಸಾಮಾನ್ಯವಾಗಿ ಚಾಲಕರು ನಿಗದಿತ ಸ್ಥಳಕ್ಕೆ ತಲುಪಿಸಿ ಅಲ್ಲಿಂದ ಹೊರಟುಬಿಡುತ್ತಾರೆ. ಆದರೆ ಈ ಚಾಲಕ ಹಾಗೆ ಮಾಡಲಿಲ್ಲ.
ತರಗತಿಯವರೆಗೂ ಜೊತೆಯಾದ ಚಾಲಕ
ಕಾಲೇಜು ಗೇಟ್ ಬಳಿ ವಿದ್ಯಾರ್ಥಿಯನ್ನು ಇಳಿಸಿದ ಚಾಲಕ, ಆತ ಒಬ್ಬನೇ ಹೋಗಲು ಕಷ್ಟಪಡಬಾರದು ಎಂಬ ಉದ್ದೇಶದಿಂದ ತನ್ನ ಬೈಕ್ ಅನ್ನು ಪಕ್ಕಕ್ಕೆ ನಿಲ್ಲಿಸಿದರು. ವಿದ್ಯಾರ್ಥಿಯ ಕೈಹಿಡಿದು ನಡೆಸುತ್ತಾ ಕಾಲೇಜಿನ (Rapido Driver) ಒಳಗಿನವರೆಗೂ ಕರೆದುಕೊಂಡು ಹೋದರು. ಅಷ್ಟೇ ಅಲ್ಲದೆ, ಆ ವಿದ್ಯಾರ್ಥಿ ಹೋಗಬೇಕಿದ್ದ ತರಗತಿ (Classroom) ವರೆಗೂ ತಲುಪಿಸಿ ಸುರಕ್ಷಿತವಾಗಿ ಬಿಟ್ಟು ಬಂದಿದ್ದಾರೆ.
ನೆಟ್ಟಿಗರ ಮೆಚ್ಚುಗೆಯ ಮಹಾಪೂರ
ಈ ಹೃದಯಸ್ಪರ್ಶಿ ದೃಶ್ಯವನ್ನು ಅಲ್ಲಿದ್ದವರು ತಮ್ಮ ಫೋನ್ಗಳಲ್ಲಿ ಸೆರೆಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋ (Video Here) ನೋಡಿದ ನೆಟ್ಟಿಗರು ಚಾಲಕನ ಕಾರ್ಯಕ್ಕೆ ಫಿದಾ ಆಗಿದ್ದಾರೆ. Read this also : Rapido Driver: ಮಧ್ಯರಾತ್ರಿ ಕೈಕೊಟ್ಟ ಬೈಕ್, ರಿಪೇರಿ ಮಾಡಿ ಮಹಿಳೆಯನ್ನು ಮನೆಗೆ ತಲುಪಿಸಿದ ರಾಪಿಡೊ ಚಾಲಕ!
- “ಕೇವಲ ಹಣಕ್ಕಾಗಿ ಅಲ್ಲದೆ, ಜವಾಬ್ದಾರಿಯಿಂದ ಕೆಲಸ ಮಾಡುವ (Rapido Driver) ಇಂತಹ ವ್ಯಕ್ತಿಗಳು ಸಮಾಜಕ್ಕೆ ಮಾದರಿ” ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ.
- ಮತ್ತೊಬ್ಬ ಬಳಕೆದಾರರು, “ಮನುಷ್ಯರಲ್ಲೇ ದೇವರು ಇರುತ್ತಾನೆ ಎಂಬುದಕ್ಕೆ ಈ ಚಾಲಕನೇ ಸಾಕ್ಷಿ” ಎಂದು ಬಣ್ಣಿಸಿದ್ದಾರೆ.
ಇದು ಸಣ್ಣ ಸಹಾಯದಂತೆ ಕಂಡರೂ, ಆ ವಿದ್ಯಾರ್ಥಿಗೆ ಇದು ನೀಡಿದ ಭರವಸೆ ಬಹಳ ದೊಡ್ಡದು. ಈ ರಾಪಿಡೋ ಚಾಲಕನ ನಡೆ ಇತರ ಚಾಲಕರಿಗೆ ಮತ್ತು ಸಾಮಾನ್ಯ ಜನರಿಗೆ ದೊಡ್ಡ ಸ್ಫೂರ್ತಿಯಾಗಿದೆ. ಈತನ ಕಾರ್ಯವನ್ನು ಗುರುತಿಸಿ ರಾಪಿಡೋ (Rapido) ಸಂಸ್ಥೆಯು ಸೂಕ್ತ ಗೌರವ ನೀಡಬೇಕೆಂದು ನೆಟ್ಟಿಗರು ಮನವಿ ಮಾಡುತ್ತಿದ್ದಾರೆ.