ಕೆಲಸದ ಒತ್ತಡ, ರಜೆ ಸಿಗದ ಸಂಕಟ.. ಇದು ಇಂದಿನ ಕಾಲದ ಬಹುತೇಕ ಉದ್ಯೋಗಿಗಳ ಸಾಮಾನ್ಯ ಗೋಳು. ಖಾಸಗಿ ಇರಲಿ, ಸರ್ಕಾರಿ ಇರಲಿ, “ಬಾಸ್” ಅಂದುಕೊಂಡರೆ ಮಾತ್ರ ರಜೆ ಸಿಗುವುದು (Loco Pilot Leave Controversy) ಎಂಬಂತಾಗಿದೆ. ಮದುವೆ, ಹಬ್ಬ ಅಥವಾ ಮನೆಯಲ್ಲಿ ತುರ್ತು ಪರಿಸ್ಥಿತಿ ಇದ್ದರೂ ರಜೆ ನೀಡದ ಕಠಿಣ ಹೃದಯದ ಅಧಿಕಾರಿಗಳ ಬಗ್ಗೆ ನಾವು ಕೇಳಿದ್ದೇವೆ. ಆದರೆ, ಇಲ್ಲೊಬ್ಬ ರೈಲ್ವೇ ಅಧಿಕಾರಿ ಮಾಡಿದ ಹಠಮಾರಿತನಕ್ಕೆ, ಲೋಕೋ ಪೈಲೆಟ್ ಒಬ್ಬರು ಅಸಹಾಯಕತೆಯಿಂದ ಮಾಡಿದ ಕೆಲಸ ಈಗ ದೇಶಾದ್ಯಂತ ಚರ್ಚೆಗೆ ಕಾರಣವಾಗಿದೆ.
Loco Pilot Leave Controversy – ಏನಿದು ಘಟನೆ? ಇಲ್ಲಿದೆ ಪೂರ್ತಿ ವಿವರ
Lucknow ದ ಭಾರತೀಯ ರೈಲ್ವೇಯಲ್ಲಿ ಲೋಕೋ ಪೈಲೆಟ್ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ರಾಜೇಶ್ ಮೀನಾ ಎಂಬುವವರಿಗೆ ಈ ಕಹಿ ಅನುಭವವಾಗಿದೆ. ರಾಜೇಶ್ ಕಳೆದ ಕೆಲವು ದಿನಗಳಿಂದ ಮೂಲವ್ಯಾಧಿ (Piles) ಸಮಸ್ಯೆಯಿಂದ ಬಳಲುತ್ತಿದ್ದರು. ನೋವು ತೀವ್ರವಾದಾಗ ವೈದ್ಯರನ್ನು ಭೇಟಿಯಾದ ಅವರಿಗೆ ತಕ್ಷಣವೇ ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುವಂತೆ ಸಲಹೆ ನೀಡಲಾಗಿತ್ತು. ವೈದ್ಯರ ಸಲಹೆಯಂತೆ ರಾಜೇಶ್ ಮೀನಾ ಮೂರು ದಿನಗಳ ತುರ್ತು ರಜೆ ಪಡೆದು ಆಸ್ಪತ್ರೆಗೆ ದಾಖಲಾಗಿ ಸರ್ಜರಿ ಮಾಡಿಸಿಕೊಂಡಿದ್ದರು. ಆಪರೇಷನ್ ಮುಗಿದ ನಂತರ ವೈದ್ಯರು ಕನಿಷ್ಠ 15 ದಿನಗಳ ಕಾಲ ಕಡ್ಡಾಯವಾಗಿ ವಿಶ್ರಾಂತಿ ಪಡೆಯಲು ಸೂಚಿಸಿದ್ದರು.
ದಾಖಲೆಗಳನ್ನು ನೀಡಿದರೂ ನಂಬದ ಹಿರಿಯ ಅಧಿಕಾರಿ!
ಸರ್ಜರಿ ಮುಗಿದ ನಂತರ ರಾಜೇಶ್ ಮೀನಾ ತಮ್ಮ ಹಿರಿಯ ಅಧಿಕಾರಿಯಾದ ರತನ್ ಕುಮಾರ್ ಅವರಿಗೆ ಕರೆ ಮಾಡಿ, ವಿಶ್ರಾಂತಿಗಾಗಿ ರಜೆ ವಿಸ್ತರಿಸುವಂತೆ ಮನವಿ ಮಾಡಿದರು. ಆದರೆ, ಮ್ಯಾನೇಜರ್ ರತನ್ ಕುಮಾರ್ ಮಾತ್ರ ಇದಕ್ಕೆ ಕಿವಿಗೊಡಲೇ ಇಲ್ಲ. “ನೀವೆಲ್ಲ ಸುಳ್ಳು ಹೇಳಿ ರಜೆ ತೆಗೆದುಕೊಳ್ಳುತ್ತೀರಿ, (Loco Pilot Leave Controversy) ತಕ್ಷಣ ಕೆಲಸಕ್ಕೆ ಹಾಜರಾಗಿ” ಎಂದು ಗದರಿಸಿದ್ದಾರೆ.
Read this also : ಬೈಕ್ನಲ್ಲಿ ಬೃಹತ್ ಹಾವಿನೊಂದಿಗೆ ಯುವಕನ ಅಪಾಯಕಾರಿ ಸ್ಟಂಟ್! ನೆಟ್ಟಿಗರು ಫುಲ್ ಗರಂ!
ತನ್ನ ಅನಾರೋಗ್ಯದ ಸ್ಥಿತಿಯನ್ನು ವಿವರಿಸಲು ರಾಜೇಶ್ ಮೀನಾ ನೇರವಾಗಿ ಡಿವಿಷನಲ್ ಕಚೇರಿಗೆ ಆಗಮಿಸಿದರು. ತಮ್ಮ ಕೈಯಲ್ಲಿದ್ದ: ಸರ್ಜರಿಯ ವರದಿಗಳು, ಆಸ್ಪತ್ರೆಯ ಡಿಸ್ಚಾರ್ಜ್ ಕಾರ್ಡ್, ಔಷಧದ ಚೀಟಿಗಳು, ವೈದ್ಯಕೀಯ ಪ್ರಮಾಣಪತ್ರ ಇಷ್ಟೆಲ್ಲಾ ಪುರಾವೆಗಳನ್ನು ಮುಂದಿಟ್ಟು, ತನಗೆ ಕುಳಿತುಕೊಳ್ಳಲು ಕೂಡ ಕಷ್ಟವಾಗುತ್ತಿದೆ ಎಂದು ಕೇಳಿಕೊಂಡರೂ ಮ್ಯಾನೇಜರ್ ಮನ ಕರಗಲಿಲ್ಲ.
ಅಸಹಾಯಕತೆಯ ಪರಮಾವಧಿ: ಪ್ಯಾಂಟ್ ಬಿಚ್ಚಿ ತೋರಿಸಿದ ನೌಕರ
ಮ್ಯಾನೇಜರ್ ತನ್ನ ಮಾತನ್ನು ನಂಬುತ್ತಿಲ್ಲ ಮತ್ತು ರಜೆ ನೀಡುತ್ತಿಲ್ಲ ಎಂಬುದು ಖಚಿತವಾದಾಗ ರಾಜೇಶ್ ಮೀನಾ ಅವರಿಗೆ ಬೇರೆ ದಾರಿಯೇ ಕಾಣಲಿಲ್ಲ. ಒಬ್ಬ ವ್ಯಕ್ತಿ ಎಷ್ಟರ ಮಟ್ಟಿಗೆ ನೊಂದಿರಬಹುದು ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ತುಂಬಿದ ಕಚೇರಿಯಲ್ಲೇ, ಮ್ಯಾನೇಜರ್ ಮತ್ತು ಇತರ ಸಿಬ್ಬಂದಿಗಳ ಮುಂದೆಯೇ ರಾಜೇಶ್ ಮೀನಾ ತಮ್ಮ ಪ್ಯಾಂಟ್ ಬಿಚ್ಚಿ ಸರ್ಜರಿಯಾದ ಜಾಗವನ್ನು ತೋರಿಸಿದ್ದಾರೆ. ಈ ಆಘಾತಕಾರಿ ದೃಶ್ಯವನ್ನು (Loco Pilot Leave Controversy) ಅಲ್ಲಿಯೇ ಇದ್ದ ಕೆಲವು ಸಿಬ್ಬಂದಿಗಳು ವಿಡಿಯೋ ಮಾಡಿದ್ದಾರೆ. ಪ್ರಸ್ತುತ ಈ ವಿಡಿಯೋ ಸೋಶಿಯಲ್ ಮೀಡಿಯಾ ಹಾಗೂ ರೈಲ್ವೇ ನೌಕರರ ವಾಟ್ಸಾಪ್ ಗ್ರೂಪ್ಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
ಲೋಕೋ ರನ್ನಿಂಗ್ ಸ್ಟಾಫ್ ಅಸೋಸಿಯೇಶನ್ ಆಕ್ರೋಶ
ಘಟನೆಯಿಂದ ತೀವ್ರ ಅವಮಾನಕ್ಕೊಳಗಾದ ರಾಜೇಶ್ ಮೀನಾ, ತಕ್ಷಣವೇ ‘ಲೋಕೋ ರನ್ನಿಂಗ್ ಸ್ಟಾಫ್ ಅಸೋಸಿಯೇಶನ್’ಗೆ ದೂರು ನೀಡಿದ್ದಾರೆ. ಅಧಿಕಾರಿಯ ಈ ಅಮಾನವೀಯ ವರ್ತನೆಯನ್ನು ಸಂಘಟನೆ ತೀವ್ರವಾಗಿ ಖಂಡಿಸಿದೆ. “ಒಬ್ಬ ಉದ್ಯೋಗಿ ತನ್ನ ಖಾಸಗಿ ಅಂಗವನ್ನೇ ತೋರಿಸಿ ರಜೆ ಕೇಳುವ ಪರಿಸ್ಥಿತಿ ಬಂದಿದೆ (Loco Pilot Leave Controversy) ಎಂದರೆ ಸಿಸ್ಟಮ್ ಎಲ್ಲಿಗೆ ತಲುಪಿದೆ? ಇದು ಕೇವಲ ಒಬ್ಬ ನೌಕರನ ಅವಮಾನವಲ್ಲ, ಇಡೀ ನೌಕರ ವರ್ಗಕ್ಕೆ ಆದ ಅನ್ಯಾಯ,” ಎಂದು ಸಂಘಟನೆ ಆಕ್ರೋಶ ವ್ಯಕ್ತಪಡಿಸಿದೆ. ಸದ್ಯ ಅಧಿಕಾರಿ ರತನ್ ಕುಮಾರ್ ವಿರುದ್ಧ ಶಿಸ್ತು ಕ್ರಮಕ್ಕೆ ಒತ್ತಾಯ ಕೇಳಿ ಬರುತ್ತಿದೆ. ರಜೆಗಾಗಿ ಇಷ್ಟೊಂದು ಕೆಳಮಟ್ಟಕ್ಕೆ ಇಳಿಯಬೇಕಾದ ಪರಿಸ್ಥಿತಿ ಬಂದಿದ್ದರ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಪರ-ವಿರೋಧ ಚರ್ಚೆಗಳು ನಡೆಯುತ್ತಿವೆ.