ಶಿವಮೊಗ್ಗ ಜಿಲ್ಲೆಯ ಭದ್ರಾವತಿಯಲ್ಲಿ ಮನಕಲಕುವ ಘಟನೆಯೊಂದು ನಡೆದಿದೆ. ಪತಿ ತೀರಿಹೋದ ನೋವಿನಲ್ಲಿದ್ದ ಮಹಿಳೆಯೊಬ್ಬರಿಗೆ ಆಸರೆಯಾಗಬೇಕಿದ್ದ ಸಮಾಜದ ರಕ್ಷಕನೇ ಭಕ್ಷಕನಾದನೇ ಎಂಬ ಅನುಮಾನ ಮೂಡಿದೆ. ತೀರ್ಥಹಳ್ಳಿ ಪೊಲೀಸ್ ಠಾಣೆಯ ಪೇದೆಯೊಬ್ಬನ ಕಿರುಕುಳ ತಾಳಲಾರದೆ (Crime News) ವಿಧವೆ ಮಹಿಳೆ ಸ್ವಾತಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.
Crime News – ಘಟನೆಯ ಹಿನ್ನೆಲೆ
ಭದ್ರಾವತಿ ತಾಲೂಕಿನ ಸಿದ್ದಾಪುರ ಗ್ರಾಮದ ನಿವಾಸಿ ಸ್ವಾತಿ ಅವರ ಬದುಕು ಒಂದು ವಾರದ ಹಿಂದಿನವರೆಗೂ ಸುಂದರವಾಗಿತ್ತು. ಆದರೆ ವಿಧಿಯಾಟ ಬೇರೆಯೇ ಇತ್ತು. ಕೇವಲ ಏಳು ದಿನಗಳ ಹಿಂದಷ್ಟೇ ಅವರ ಪತಿ ಜಗದೀಶ್ ಅನಾರೋಗ್ಯದಿಂದ ಮೃತಪಟ್ಟಿದ್ದರು. ಪತಿಯ ಅಗಲಿಕೆಯ ನೋವಿನಲ್ಲಿದ್ದ ಸ್ವಾತಿಗೆ ಸಾಂತ್ವನ ಹೇಳುವ ಬದಲು, ತೀರ್ಥಹಳ್ಳಿ ಪೊಲೀಸ್ ಠಾಣೆಯ ಪೇದೆ ಮೋಹನ್ ಎಂಬಾತ ಫೇಸ್ಬುಕ್ ಮೂಲಕ ಕಿರುಕುಳ ನೀಡಲು ಆರಂಭಿಸಿದ್ದಾನೆ.
ಸೈಬರ್ ಕಿರುಕುಳ ಮತ್ತು ಸುಳ್ಳು ಅಪಪ್ರಚಾರದ ಆರೋಪ
ಪತಿ ತೀರಿಹೋದದ್ದನ್ನೇ ಬಂಡವಾಳ ಮಾಡಿಕೊಂಡ ಮೋಹನ್, ಸ್ವಾತಿಗೆ ಸತತವಾಗಿ ಮೆಸೇಜ್ ಮಾಡುತ್ತಿದ್ದ ಎನ್ನಲಾಗಿದೆ. ಇದರಿಂದ ಬೇಸತ್ತ ಸ್ವಾತಿ ಆತನ ಅಕೌಂಟ್ ಅನ್ನು ಕೂಡಲೇ ಬ್ಲಾಕ್ ಮಾಡಿದ್ದರು. ಆದರೆ ಹಠ ಬಿಡದ ಆತ, ಬೇರೆ ಬೇರೆ ಅಕೌಂಟ್ ಬಳಸಿ ಸ್ವಾತಿ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಅಪಪ್ರಚಾರ (Crime News) ಮಾಡಿದ್ದಾನೆ. ಜನರ ಬಳಿ ಮಹಿಳೆಯ ಚಾರಿತ್ರ್ಯದ ಬಗ್ಗೆ ಕೆಟ್ಟದಾಗಿ ಮಾತನಾಡಿದ್ದಾನೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ. ಈ ಅವಮಾನ ಮತ್ತು ಮಾನಸಿಕ ಹಿಂಸೆಯನ್ನು ತಡೆಯಲಾಗದೆ ಸ್ವಾತಿ ನೇಣಿಗೆ ಶರಣಾಗಿದ್ದಾರೆ.
ವಾಟ್ಸಾಪ್ ಡೆತ್ ನೋಟ್ನಲ್ಲಿ ಅಡಗಿರುವ ಕೊನೆಯ ಮಾತುಗಳು
ಸ್ವಾತಿ ಸಾಯುವ ಮುನ್ನ ತನ್ನ ನೋವನ್ನು ವಾಟ್ಸಾಪ್ ಮೂಲಕ ಡೆತ್ ನೋಟ್ ರೂಪದಲ್ಲಿ ಹಂಚಿಕೊಂಡಿದ್ದಾರೆ. ಅದರಲ್ಲಿರುವ ಮಾತುಗಳು ಕರುಳು ಹಿಂಡುವಂತಿವೆ. “ಸ್ವಾರಿ ಅಮ್ಮ, ನನ್ನ ಬಗ್ಗೆ ಇಲ್ಲಸಲ್ಲದ ಸುಳ್ಳುಗಳನ್ನು ಮೋಹನ್ ಜನರ ಹತ್ತಿರ ಹೇಳಿದ್ದಾನೆ. ನನಗೆ ಇದನ್ನು ಸಹಿಸಿಕೊಳ್ಳಲು ಆಗುತ್ತಿಲ್ಲ. ಆತ ಯಾರು ಅಂತಲೇ ನನಗೆ ಸರಿಯಾಗಿ ಗೊತ್ತಿಲ್ಲ. ಫೇಸ್ಬುಕ್ನಲ್ಲಿ ಮೆಸೇಜ್ ಮಾಡಿದ್ದಕ್ಕೆ ನಾನು ಬ್ಲಾಕ್ ಮಾಡಿದ್ದೆ. ಅದೇ ಸಿಟ್ಟಿಗೆ ನನ್ನ ಬಗ್ಗೆ ಕೆಟ್ಟದಾಗಿ ಪ್ರಚಾರ ಮಾಡಿದ್ದಾನೆ. (Crime News) ಆತನನ್ನು ಮಾತ್ರ ಸುಮ್ಮನೆ ಬಿಡಬೇಡಿ, ನನ್ನ ಮಕ್ಕಳನ್ನು ಚೆನ್ನಾಗಿ ನೋಡಿಕೊಳ್ಳಿ” ಎಂದು ಅವರು ಬರೆದಿದ್ದಾರೆ. Read this also : ಪ್ರೀತಿಸಿ ಮದುವೆಯಾದವಳ ಶೀಲ ಶಂಕಿಸಿದ ಪತಿ: ನಾಲ್ಕೇ ತಿಂಗಳಿಗೆ ಸುಫಿಯಾ ಬಾನು ಬದುಕು ಅಂತ್ಯ!
ಅನಾಥವಾದ ಪುಟ್ಟ ಕಂದಮ್ಮಗಳು ಮತ್ತು ನ್ಯಾಯಕ್ಕಾಗಿ ಆಗ್ರಹ
ಒಂದೇ ವಾರದ ಅಂತರದಲ್ಲಿ ತಂದೆ ಮತ್ತು ತಾಯಿ ಇಬ್ಬರನ್ನೂ ಕಳೆದುಕೊಂಡ ಇಬ್ಬರು ಹೆಣ್ಣು ಮಕ್ಕಳ ಆಕ್ರಂದನ ನೋಡುವವರ ಕಣ್ಣಲ್ಲಿ ನೀರು ತರಿಸುತ್ತಿದೆ. ನಮ್ಮ ಅಮ್ಮನನ್ನು ಕೊಂದವನಿಗೆ ಕಠಿಣ ಶಿಕ್ಷೆಯಾಗಲಿ (Crime News) ಎಂದು ಮೃತಳ ಪೋಷಕರು ಮತ್ತು ಗ್ರಾಮಸ್ಥರು ಭದ್ರಾವತಿ ನ್ಯೂ ಟೌನ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನ್ಯಾಯಕ್ಕಾಗಿ ಒತ್ತಾಯಿಸುತ್ತಿದ್ದಾರೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿ ಮೋಹನ್ ವಿರುದ್ಧ ಕ್ರಮಕ್ಕೆ ಆಗ್ರಹ ವ್ಯಕ್ತವಾಗಿದೆ.
ಗಮನಿಸಿ: ಆತ್ಮಹತ್ಯೆ ಯಾವುದಕ್ಕೂ ಪರಿಹಾರವಲ್ಲ. ನಿಮಗೆ ಅಥವಾ ನಿಮ್ಮ ಆಪ್ತರಿಗೆ ಮಾನಸಿಕ ನೆರವಿನ ಅಗತ್ಯವಿದ್ದರೆ ತಕ್ಷಣ ಸಹಾಯವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಿ.