Snake Transformation Drama : ಮಗಳು ಹಾವಾದಳು ಎಂದು ಪೊಲೀಸರಿಗೆ ಕರೆ ಮಾಡಿದ ತಾಯಿ! ಬೆಚ್ಚಿಬೀಳಿಸುವ ಅಸಲಿ ಸತ್ಯ ಇಲ್ಲಿದೆ..!

ಯಾರಾದರೂ ಹಾವಾಗಿ ಬದಲಾಗಲು ಸಾಧ್ಯವೇ? ವಿಜ್ಞಾನದ ಯುಗದಲ್ಲಿ ಇದು ಅಸಾಧ್ಯ ಎನಿಸಿದರೂ, ಉತ್ತರ ಪ್ರದೇಶದ ಔರೈಯಾ ಜಿಲ್ಲೆಯಲ್ಲಿ ನಡೆದ ಘಟನೆ ಮಾತ್ರ ಇಡೀ ಊರನ್ನೇ ಬೆಚ್ಚಿಬೀಳಿಸಿತ್ತು. ತನ್ನ ಮಗಳು ನಾಗಿಣಿಯಾಗಿ ರೂಪಾಂತರಗೊಂಡು ಕಣ್ಮರೆಯಾಗಿದ್ದಾಳೆ (Snake Transformation Drama) ಎಂದು ತಾಯಿ ಪೊಲೀಸರ ಮುಂದೆ ಕಣ್ಣೀರು ಹಾಕಿದಾಗ ಎಲ್ಲರೂ ಒಂದು ಕ್ಷಣ ದಂಗಾಗಿದ್ದರು. ಆದರೆ, ಈ ‘ದೈವಿಕ ಪವಾಡ’ದ ಹಿಂದೆ ಅಡಗಿದ್ದದ್ದು ಮಗಳ ಅದ್ಭುತವಾದ ಕ್ರಿಮಿನಲ್ ಪ್ಲಾನ್! ಅಷ್ಟಕ್ಕೂ ಆ ಪ್ಲಾನ್ ಏನು ಎಂಬ ವಿಚಾರಕ್ಕೆ ಬಂದರೇ…

Snake Transformation Drama – ಪೊಲೀಸರಿಗೆ ಬಂದ ಆ ಒಂದು ಫೋನ್ ಕರೆ

ದಿನದ ಆರಂಭದಲ್ಲಿ ಪೊಲೀಸರಿಗೆ ಮಹಿಳೆಯೊಬ್ಬರಿಂದ ಆತಂಕದ ಕರೆ ಬಂದಿತ್ತು. ತನ್ನ ಮಗಳು ಇದ್ದಕ್ಕಿದ್ದಂತೆ ಹಾವಾಗಿ ರೂಪಾಂತರಗೊಂಡಿದ್ದಾಳೆ ಎಂದು ಆ ತಾಯಿ ಅಳುತ್ತಾ ಹೇಳಿದ್ದರು. ಕೂಡಲೇ ಸ್ಥಳಕ್ಕೆ ಧಾವಿಸಿದ ಪೊಲೀಸರಿಗೆ ಯುವತಿಯ ಹಾಸಿಗೆಯ ಮೇಲೆ ಹಾವಿನ ಪೊರೆ ಕಂಡುಬಂದಿದೆ. ಇದು ಪೊಲೀಸರನ್ನೂ ಒಂದು ಕ್ಷಣ ಗೊಂದಲಕ್ಕೀಡು ಮಾಡಿತ್ತು.

ಶೇಷನಾಗನ ದೇವಸ್ಥಾನ ಮತ್ತು ಕನಸಿನ ಕಥೆ

ಯುವತಿಯ ತಾಯಿ ಪೊಲೀಸರ ಮುಂದೆ ವಿಚಿತ್ರವಾದ ಕಥೆಯೊಂದನ್ನು ಬಿಚ್ಚಿಟ್ಟಿದ್ದರು. ಇತ್ತೀಚೆಗೆ ಮಗಳು ಮೈನ್‌ಪುರಿಯ ಶೇಷನಾಗ್ ದೇವಸ್ಥಾನಕ್ಕೆ ಹೋಗಿ ವಿಗ್ರಹವೊಂದನ್ನು ತಂದಿದ್ದಳು (Snake Transformation Drama) ಎಂದು ಅವರು ವಿವರಿಸಿದ್ದರು. ಅಂದಿನಿಂದ ಆಕೆಗೆ ನಿರಂತರವಾಗಿ ಹಾವಿನ ಕನಸುಗಳು ಬೀಳುತ್ತಿದ್ದವು ಮತ್ತು ಅವಳು ಮಲಗಿದಾಗ ಪಕ್ಕದಲ್ಲಿ ಹಾವೊಂದು ಕಾಣಿಸಿಕೊಳ್ಳುತ್ತಿತ್ತು ಎಂದು ತಾಯಿ ಗಾಬರಿಯಿಂದ ತಿಳಿಸಿದ್ದರು. ಮಗಳು ನಾಪತ್ತೆಯಾದ ದಿನವೇ ಆ ವಿಗ್ರಹವೂ ಮಾಯವಾಗಿದ್ದು ತಾಯಿಯ ಅನುಮಾನಕ್ಕೆ ಪುಷ್ಟಿ ನೀಡಿತ್ತು. Read this also : ಮೆಟ್ರೋ ನಿಲ್ದಾಣದಲ್ಲಿ ಗೆಳತಿಯ ಜೊತೆ ಸಿಕ್ಕಿಬಿದ್ದ ಮಗ: ರೇಗಾಡದ ಅಮ್ಮ ಅಲ್ಲೇ ಮಾಡಿಯೇ ಬಿಟ್ಟಳು ಎಂಗೇಜ್‌ಮೆಂಟ್!

ತನಿಖೆಯಲ್ಲಿ ಬಯಲಾದ ಅಚ್ಚರಿಯ ಮಾಸ್ಟರ್ ಪ್ಲಾನ್

ಪೊಲೀಸರು ಈ ಅಲೌಕಿಕ ಕಥೆಯನ್ನು ನಂಬದೆ ತಮ್ಮದೇ ಶೈಲಿಯಲ್ಲಿ ತನಿಖೆ ಆರಂಭಿಸಿದಾಗ ಅಸಲಿ ವಿಷಯ ಬಯಲಿಗೆ ಬಂದಿದೆ. ನಾಪತ್ತೆಯಾದ ಯುವತಿ ಕಳೆದ ಕೆಲವು ತಿಂಗಳಿಂದ ಯುವಕನೊಬ್ಬನ (Snake Transformation Drama) ಜೊತೆ ಪ್ರೇಮದಲ್ಲಿದ್ದಳು ಮತ್ತು ಮನೆಯಿಂದ ಓಡಿಹೋಗಲು ಸಿದ್ಧತೆ ನಡೆಸುತ್ತಿದ್ದಳು. ಮನೆಯವರು ತನ್ನನ್ನು ಹುಡುಕಬಾರದು ಮತ್ತು ತಾನು ದೈವಿಕವಾಗಿ ಅದೃಶ್ಯವಾಗಿದ್ದೇನೆ ಎಂದು ನಂಬಿಸಲು ಆಕೆ ಈ ಹಾವಿನ ನಾಟಕವಾಡಿದ್ದಳು.

ಕಾಡಿನಿಂದ ತಂದ ಹಾವಿನ ಪೊರೆ

ಯುವತಿ ತನ್ನ ಸ್ಕೆಚ್ ಯಶಸ್ವಿಗೊಳಿಸಲು ಕಾಡಿಗೆ ಹೋಗಿ ಹಾವಿನ (Snake Transformation Drama) ಪೊರೆಯನ್ನು ಸಂಗ್ರಹಿಸಿ ತಂದಿದ್ದಳು. ಮನೆಯವರೆಲ್ಲರೂ ನಂಬುವಂತೆ ಮಾಡಲು ಅದನ್ನು ತನ್ನ ಹಾಸಿಗೆಯ ಮೇಲೆ ಬಿಟ್ಟು, ಶೇಷನಾಗ್ ವಿಗ್ರಹದೊಂದಿಗೆ ಮನೆಯಿಂದ ಪರಾರಿಯಾಗಿದ್ದಾಳೆ. ಸದ್ಯ ಪೊಲೀಸರು ಯುವತಿಯ ಮೊಬೈಲ್ ಕರೆಗಳ ಆಧಾರದ ಮೇಲೆ ಆಕೆಯನ್ನು ಪತ್ತೆಹಚ್ಚುವ ಕೆಲಸ ಮಾಡುತ್ತಿದ್ದಾರೆ. ಪ್ರೀತಿಗಾಗಿ ಆಕೆ ಮಾಡಿದ ಈ ಪ್ಲಾನ್ ಕಂಡು ಪೊಲೀಸರೇ ದಂಗಾಗಿದ್ದಾರೆ.