ಸಮಾಜದಲ್ಲಿ ಸಂಬಂಧಗಳ ಮೌಲ್ಯ ಕುಸಿಯುತ್ತಿದೆಯೇ ಅನ್ನೋ ಅನುಮಾನ ಇತ್ತೀಚಿನ ಘಟನೆಗಳನ್ನು ನೋಡಿದರೆ ಕಾಡದೇ ಇರದು. ಪ್ರೀತಿ, ವಿಶ್ವಾಸದ ಹೆಸರಿನಲ್ಲಿ ನಂಬಿಸಿ ದ್ರೋಹ ಬಗೆಯುವವರ ನಡುವೆ, ಕೇರಳದ ಕೋಝಿಕ್ಕೋಡ್ನಲ್ಲಿ ನಡೆದ ಘಟನೆ ಮಾತ್ರ ಮನುಕುಲವೇ ತಲೆತಗ್ಗಿಸುವಂತಿದೆ. ತನ್ನ (Married Man) ವಿವಾಹದ ವಿಷಯ ಮುಚ್ಚಿಟ್ಟು ಯುವತಿಯನ್ನು ನಂಬಿಸಿದ ಕಿರಾತಕನೊಬ್ಬ, ಕೊನೆಗೆ ಆಕೆಯನ್ನು ಬಲಿಪಡೆದಿದ್ದಾನೆ.
Married Man – ನಂಬಿಸಿ ಮೋಸ ಮಾಡಿದ ‘ಫ್ಯಾಮಿಲಿ ಮ್ಯಾನ್’
ಘಟನೆಯ ವಿವರ ಹೀಗಿದೆ: ಕೋಝಿಕ್ಕೋಡ್ ಜಿಲ್ಲೆಯ ತಾಡಂಪತ್ತುತಲಂ ನಿವಾಸಿ ವೈಶಾಗನ್ (36) ಎಂಬಾತನೇ ಈ ಕೃತ್ಯವೆಸಗಿದ ಆರೋಪ ಎದುರಿಸುತ್ತಿರುವ ವ್ಯಕ್ತಿ. ಲಾತೂರ್ ಪ್ರದೇಶದಲ್ಲಿ ಕಬ್ಬಿಣದ ಕಾರ್ಯಾಗಾರ ನಡೆಸುತ್ತಿದ್ದ ಈತನಿಗೆ ಈಗಾಗಲೇ ಮದುವೆಯಾಗಿ ಇಬ್ಬರು ಮಕ್ಕಳಿದ್ದಾರೆ. ಆದರೆ, ಈ ವಿಷಯವನ್ನು ಮರೆಮಾಚಿ ಅದೇ ಪ್ರದೇಶದ 26 ವರ್ಷದ ಯುವತಿಯನ್ನು ಪ್ರೇಮಪಾಶಕ್ಕೆ ಕೆಡವಿದ್ದ. ಆಕೆಯನ್ನು ಮದುವೆಯಾಗುವುದಾಗಿ ನಂಬಿಸಿ ಸಂಬಂಧ ಮುಂದುವರಿಸಿದ್ದ.
ಸತ್ಯ ತಿಳಿದಾಗ ಶುರುವಾಯ್ತು ಸಂಚು
ಕೆಲ ದಿನಗಳ ಹಿಂದೆ ವೈಶಾಗನ್ಗೆ ಈಗಾಗಲೇ ಮದುವೆಯಾಗಿರುವ ವಿಷಯ ಯುವತಿಗೆ ತಿಳಿದುಬಂದಿದೆ. ಇದರಿಂದ ಆಘಾತಕ್ಕೊಳಗಾದ ಯುವತಿ ಆತನನ್ನು ಪ್ರಶ್ನಿಸಿದ್ದಾಳೆ. ಈ ವಿಚಾರವಾಗಿ ಇಬ್ಬರ ನಡುವೆ ತೀವ್ರ ಜಗಳ ನಡೆದಿದೆ. ತನ್ನ ಸಂಸಾರಕ್ಕೆ ಎಲ್ಲಿ ತೊಂದರೆಯಾಗುತ್ತದೋ ಎಂಬ ಭಯ ಹಾಗೂ ಯುವತಿಯನ್ನು (Married Man) ದಾರಿಯಿಂದ ತಪ್ಪಿಸುವ ಉದ್ದೇಶದಿಂದ ವೈಶಾಗನ್ ಆಕೆಯನ್ನು ಕೊಲ್ಲಲು ಮಾಸ್ಟರ್ ಪ್ಲಾನ್ ರೂಪಿಸಿದ್ದಾನೆ.
ಕೊಲೆ ಮಾಡಿ, ಆತ್ಮಹತ್ಯೆಯ ನಾಟಕವಾಡಿದ ಕಿರಾತಕ
ಪೊಲೀಸರ ತನಿಖೆಯ ಪ್ರಕಾರ, ಎರಡು ದಿನಗಳ ಹಿಂದೆ ವೈಶಾಗನ್ ಯುವತಿಯನ್ನು ತನ್ನ ಕೆಲಸದ ಜಾಗಕ್ಕೆ (ವರ್ಕ್ಶಾಪ್) ಕರೆಸಿಕೊಂಡಿದ್ದಾನೆ. ಅಲ್ಲಿ ತಾನು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ನಾಟಕವಾಡಿದ್ದಾನೆ. ಗಾಬರಿಗೊಂಡ ಯುವತಿ ಆತನನ್ನು ತಡೆಯಲು ಹೋದಾಗ, ಕಿರಾತಕ ಆಕೆಯ ಕತ್ತು ಹಿಸುಕಿ ಬರ್ಬರವಾಗಿ ಕೊಂದಿದ್ದಾನೆ. ಪೊಲೀಸರ ವರದಿಯ ಪ್ರಕಾರ, ಯುವತಿ ಮೃತಪಟ್ಟ ನಂತರವೂ ಈ ಕಾಮಪಿಶಾಚಿಯ ಅಟ್ಟಹಾಸ ನಿಂತಿಲ್ಲ. ಶವದ ಮೇಲೆ ಅತ್ಯಾಚಾರ ಎಸಗಿದ ಆರೋಪವೂ ಈತನ ಮೇಲಿದೆ. ಬಳಿಕ ಇದು ಆತ್ಮಹತ್ಯೆ ಎಂದು ಬಿಂಬಿಸಲು ಶವವನ್ನು ನೇಣು ಹಾಕಿದ್ದಾನೆ. Read this also : ಬಾಗಲಕೋಟೆಯಲ್ಲಿ ಬೆಚ್ಚಿಬೀಳಿಸುವ ಘಟನೆ: ಅತ್ತೆ ಕಿರುಕುಳಕ್ಕೆ ಮೂರು ಮಕ್ಕಳನ್ನು ಬಲಿಪಡೆದ ತಾಯಿ; ನಂತರ ಮಾಡಿದ್ದೇನು?
ಪತ್ನಿಯ ಮೂಲಕವೇ ಪೊಲೀಸರಿಗೆ ಮಾಹಿತಿ!
ಕೊಲೆ ಮಾಡಿದ ನಂತರ ಏನೂ ತಿಳಿಯದವನಂತೆ ತನ್ನ ಪತ್ನಿಗೆ ಕರೆ ಮಾಡಿದ ವೈಶಾಗನ್, “ನಮ್ಮ ವರ್ಕ್ಶಾಪ್ನಲ್ಲಿ ಮಹಿಳೆಯೊಬ್ಬಳು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ, ಪೊಲೀಸರಿಗೆ ವಿಷಯ ತಿಳಿಸು” ಎಂದು ಹೇಳಿದ್ದಾನೆ. ಪೊಲೀಸರು ಸ್ಥಳಕ್ಕೆ ಬಂದು ಪರಿಶೀಲಿಸಿದಾಗ ಮೇಲ್ನೋಟಕ್ಕೆ ಇದು ಆತ್ಮಹತ್ಯೆಯಂತೆ ಕಂಡರೂ, (Married Man) ಮರಣೋತ್ತರ ಪರೀಕ್ಷೆಯ ವರದಿ ಬೇರೆಯದ್ದೇ ಕಥೆ ಹೇಳಿತ್ತು.
ಸಿಸಿಟಿವಿ ದೃಶ್ಯದಿಂದ ಸಿಕ್ಕಿಬಿದ್ದ ಆರೋಪಿ
ಪೊಲೀಸರು ಸುತ್ತಮುತ್ತಲ (Married Man) ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸಿದಾಗ, ಘಟನೆಯ ದಿನ ವೈಶಾಗನ್ ಮತ್ತು ಯುವತಿ ನಡುವೆ ಜಗಳ ನಡೆದಿರುವುದು ಕಂಡುಬಂದಿದೆ. ಸಂಶಯದ ಮೇಲೆ ವೈಶಾಗನ್ನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆತ ತನ್ನ ಕೃತ್ಯವನ್ನು ಒಪ್ಪಿಕೊಂಡಿದ್ದಾನೆ. ಸದ್ಯ ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.