ಸೋಷಿಯಲ್ ಮೀಡಿಯಾ ಅನ್ನೋದು ಈಗ ವಿಚಿತ್ರ ಘಟನೆಗಳ ತಾಣವಾಗಿಬಿಟ್ಟಿದೆ. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಮಹಿಳೆಯರು ಸಣ್ಣಪುಟ್ಟ ಕಾರಣಕ್ಕೆ ಕಿತ್ತಾಡಿಕೊಳ್ಳುವ ದೃಶ್ಯಗಳು ಹೆಚ್ಚಾಗುತ್ತಿವೆ. ಈ ಹಿಂದೆ ಉಚಿತ ಬಸ್ ಪ್ರಯಾಣದ ವೇಳೆ ಸೀಟಿಗಾಗಿ ನಡೆದ ಕಿತ್ತಾಟಗಳನ್ನು ನಾವು ನೋಡಿದ್ದೇವೆ. ಆದರೆ ಈಗ ಚಲಿಸುವ ರೈಲಿನಲ್ಲಿ ಇಬ್ಬರು ಯುವತಿಯರು ಒಬ್ಬರಿಗೊಬ್ಬರು ಅಕ್ಷರಶಃ ಬಾಕ್ಸಿಂಗ್ ನಡೆಸಿದ (Viral Video) ವಿಡಿಯೋವೊಂದು ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ.
Viral Video – ಅಷ್ಟಕ್ಕೂ ಅಲ್ಲಿ ನಡೆದಿದ್ದೇನು?
ವೈರಲ್ ಆಗಿರುವ ಈ ವಿಡಿಯೋದಲ್ಲಿ, ಚಲಿಸುತ್ತಿರುವ ರೈಲಿನಲ್ಲಿ ಇಬ್ಬರು ಯುವತಿಯರು ಪರಸ್ಪರ ಕೂದಲು ಹಿಡಿದು ಎಳೆದಾಡುತ್ತಾ, ಪಿడిಗುದ್ದಿನ ಮಳೆಗರೆಯುತ್ತಿರುವುದನ್ನು ಕಾಣಬಹುದು. ಸುತ್ತಮುತ್ತಲಿನ ಪ್ರಯಾಣಿಕರು ಅವರನ್ನು ಸಮಾಧಾನಪಡಿಸಲು ಪ್ರಯತ್ನಿಸಿದರೂ, ಯಾವುದಕ್ಕೂ ಬಗ್ಗದ ಈ ಲಲನೆಯರು ಒಬ್ಬರ ಮೇಲೆ ಒಬ್ಬರು ಬಿದ್ದು ಬಡಿದಾಡಿಕೊಂಡಿದ್ದಾರೆ.
ನೋಡುಗರ ಪ್ರಕಾರ, ಈ ಜಗಳಕ್ಕೆ ಮೂಲ ಕಾರಣ ‘ಸೀಟು’. ಹೌದು, ಕೇವಲ ಕುಳಿತುಕೊಳ್ಳುವ ಜಾಗಕ್ಕಾಗಿ ಶುರುವಾದ ಮಾತಿನ ಚಕಮಕಿ, ನೋಡನೋಡುತ್ತಿದ್ದಂತೆಯೇ ಕೈಕೈ ಮಿಲಾಯಿಸುವ ಹಂತಕ್ಕೆ ತಲುಪಿದೆ. ಪರಸ್ಪರ ಅವಾಚ್ಯ ಶಬ್ದಗಳಿಂದ ಬೈಯುತ್ತಾ, ಕೆಳಗೆ ಬಿದ್ದು ಹೊರಳಾಡುವ ಮಟ್ಟಕ್ಕೆ ಈ ಗಲಾಟೆ ತಲುಪಿತ್ತು.
ನೆಟ್ಟಿಗರ ಫನ್ನಿ ಕಾಮೆಂಟ್ಸ್
ಈ ವಿಡಿಯೋ ಎಕ್ಸ್ (ಟ್ವಿಟ್ಟರ್) ಮತ್ತು ಇನ್ಸ್ಟಾಗ್ರಾಮ್ನಲ್ಲಿ ಹರಿದಾಡುತ್ತಿದ್ದಂತೆಯೇ ನೆಟ್ಟಿಗರು (Viral Video) ತಮ್ಮದೇ ಶೈಲಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ.
- “ಇದೇನಪ್ಪಾ ರೈಲೋ ಅಥವಾ ಡಬ್ಲ್ಯೂಡಬ್ಲ್ಯೂಇ (WWE) ರಿಂಗೋ?” ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.
- “ಸಾರ್ವಜನಿಕವಾಗಿ ಇಷ್ಟು ಕೀಳುಮಟ್ಟಕ್ಕೆ ಇಳಿಯಬೇಕಾ?” ಎಂದು ಕೆಲವರು ಬೇಸರ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು “ಇದು ಕೇವಲ ಸೀಟಿಗಾಗಿ ನಡೆದ ಯುದ್ಧ” ಎಂದು ತಮಾಷೆ ಮಾಡಿದ್ದಾರೆ. Read this also : ಡಿಸ್ಕೌಂಟ್ಗಾಗಿ ಇಂಥದ್ದಾ? ಕ್ಯಾಬ್ ಚಾಲಕನಿಗೆ ‘ಫ್ರೀ ಎಂಟರ್ಟೈನ್ಮೆಂಟ್’ ಆಫರ್ ನೀಡಿದ ಯುವತಿಯರ ವಿಡಿಯೋ ವೈರಲ್!
ಸಾರ್ವಜನಿಕ ಸ್ಥಳದಲ್ಲಿ ಇಂತಹ ವರ್ತನೆ ಸರಿಯೇ?
ಇತ್ತೀಚಿನ ದಿನಗಳಲ್ಲಿ ಬಸ್ಸು, ರೈಲು ಹಾಗೂ ವಿಮಾನಗಳಲ್ಲಿ (Viral Video) ಇಂತಹ ಘಟನೆಗಳು ಮರುಕಳಿಸುತ್ತಲೇ ಇವೆ. ಜನಜಂಗುಳಿಯ ನಡುವೆ ತಾಳ್ಮೆ ಕಳೆದುಕೊಳ್ಳುವ ಜನರು, ತಮ್ಮ ಸುತ್ತಮುತ್ತ ಯಾರು ಇದ್ದಾರೆ ಎಂಬುದನ್ನು ಮರೆತು ಅಸಭ್ಯವಾಗಿ ವರ್ತಿಸುತ್ತಿರುವುದು ವಿಷಾದನೀಯ.
ವೈರಲ್ ವಿಡಿಯೋ ಇಲ್ಲಿದೆ ನೋಡಿ : Click Here
ಪ್ರಸ್ತುತ ಈ ವಿಡಿಯೋ (Viral Video) ಎಲ್ಲೆಡೆ ಹರಿದಾಡುತ್ತಿದ್ದು, ಸಾರ್ವಜನಿಕ ಸಾರಿಗೆಯಲ್ಲಿ ಪ್ರಯಾಣಿಸುವಾಗ ಶಿಸ್ತು ಮತ್ತು ತಾಳ್ಮೆ ಎಷ್ಟು ಮುಖ್ಯ ಎಂಬುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ.