ಬಾಬಾ ವಂಗಾ (Baba Vanga) ಎಂಬ ಹೆಸರು ಇಂದಿಗೂ ಇಡೀ ವಿಶ್ವದ ಕುತೂಹಲವನ್ನು ಕೆರಳಿಸುವ ಹೆಸರು. ಬುಲ್ಗೇರಿಯಾದ ಈ ಅಂಧ ಮಹಿಳೆಯನ್ನು ‘ಬಾಲ್ಕನ್ ನಾಸ್ಟ್ರಡಾಮಸ್’ ಎಂದೇ ಕರೆಯಲಾಗುತ್ತದೆ. 1911ರಲ್ಲಿ ಜನಿಸಿದ ವಂಗಾ, 12ನೇ ವಯಸ್ಸಿನಲ್ಲಿ ಚಂಡಮಾರುತವೊಂದರಿಂದ ಕಣ್ಣು ಕಳೆದುಕೊಂಡ ನಂತರ ಅವರಿಗೆ ದಿವ್ಯದೃಷ್ಟಿ ಬಂದಿದೆ ಎಂದು ಹೇಳಲಾಗುತ್ತದೆ. 1996ರಲ್ಲಿ ಅವರು ನಿಧನರಾದರೂ, ಅವರು ನುಡಿದ ಭವಿಷ್ಯವಾಣಿಗಳಲ್ಲಿ ಶೇಕಡಾ 85ರಷ್ಟು ನಿಜವಾಗಿವೆ ಎಂದು ಅವರ ಅನುಯಾಯಿಗಳು ನಂಬುತ್ತಾರೆ.
Baba Vanga – ನಿಜವಾದ ಭವಿಷ್ಯವಾಣಿಯ ಉದಾಹರಣೆ
ಅಮೆರಿಕಾದಲ್ಲಿ ನಡೆದ 9/11 ಭಯೋತ್ಪಾದಕ ದಾಳಿ, ಸೋವಿಯತ್ ಒಕ್ಕೂಟದ ವಿಭಜನೆ, ಪ್ರಿನ್ಸೆಸ್ ಡಯಾನಾ ಅವರ ಸಾವು, ಮತ್ತು ಚೆರ್ನೋಬಿಲ್ ದುರಂತದಂತಹ ಮಹತ್ವದ ಘಟನೆಗಳನ್ನು ಅವರು ಮೊದಲೇ ಊಹಿಸಿದ್ದರು. ಇದೇ ಕಾರಣಕ್ಕೆ, ಅವರ ಭವಿಷ್ಯದ ಬಗ್ಗೆ ಜನರು ಹೆಚ್ಚು ಆಸಕ್ತಿ ವಹಿಸುತ್ತಾರೆ. ಈಗ, ಅವರು ಮುಂಬರುವ ವರ್ಷಗಳಿಗೆ, ವಿಶೇಷವಾಗಿ 2026ರ ಕುರಿತು ಹೇಳಿರುವ ಭವಿಷ್ಯಗಳು ಮತ್ತೆ ಮುನ್ನಲೆಗೆ ಬಂದಿದ್ದು, ಜಾಗತಿಕವಾಗಿ ಭಯದ ವಾತಾವರಣ ಸೃಷ್ಟಿಸಿವೆ.
Baba Vanga – 2026ರಲ್ಲಿ ವಿಶ್ವಕ್ಕೆ ಕಾದಿದೆಯಾ ಮಹಾ ಯುದ್ಧದ ಕಂಟಕ?
ಬಾಬಾ ವಂಗಾ ಅವರು 2026ರಿಂದ 2028ರ ನಡುವಿನ ಅವಧಿಗೆ ಸಂಬಂಧಿಸಿದಂತೆ ಕೆಲವು ನಿರ್ಣಾಯಕ ಭವಿಷ್ಯಗಳನ್ನು ನುಡಿದಿದ್ದಾರೆ. ಅವುಗಳಲ್ಲಿ ಅತ್ಯಂತ ಆತಂಕಕಾರಿಯಾದ ಅಂಶವೆಂದರೆ, ಜಾಗತಿಕ ಮಟ್ಟದಲ್ಲಿ ಮೂರನೇ ಮಹಾಯುದ್ಧದ (World War III) ಸಾಧ್ಯತೆ. ರಷ್ಯಾ-ಉಕ್ರೇನ್ ಯುದ್ಧದಂಥ ಸಂಘರ್ಷಗಳು ಮತ್ತು ವಿಶ್ವದ ಪ್ರಮುಖ ರಾಷ್ಟ್ರಗಳ ನಡುವಿನ ಉದ್ವಿಗ್ನತೆ ಹೆಚ್ಚುತ್ತಿರುವ ಈ ಸಂದರ್ಭದಲ್ಲಿ, ಅವರ ಈ ಭವಿಷ್ಯವಾಣಿ ಜನರನ್ನು ಇನ್ನಷ್ಟು ಭಯಭೀತರನ್ನಾಗಿ ಮಾಡಿದೆ.
Baba Vanga – ಭಾರತಕ್ಕೆ ಪ್ರಕೃತಿ ವಿಕೋಪದ ಎಚ್ಚರಿಕೆ!
ಬಾಬಾ ವಂಗಾ ಅವರು ಭಾರತಕ್ಕೆ ಸಂಬಂಧಿಸಿದಂತೆ ಕೆಲವು ಭೀಕರ ಪ್ರಕೃತಿ ವಿಕೋಪಗಳನ್ನು ಊಹಿಸಿದ್ದಾರೆ. ದೇಶದಲ್ಲಿ ತೀವ್ರ ಪ್ರವಾಹಗಳು, ಭೂಕುಸಿತಗಳು ಮತ್ತು ದಾಖಲೆ ಮಟ್ಟದ ತಾಪಮಾನ ದಾಖಲಾಗಬಹುದು ಎಂದು ಅವರು ಹೇಳಿದ್ದಾರೆ. ಇದರ ಜೊತೆಗೆ, ದೇಶದ ಹಲವು ದೊಡ್ಡ ನಗರಗಳು ನೀರಿನ ಭಾರಿ ಕೊರತೆಯನ್ನು ಎದುರಿಸಬೇಕಾಗಬಹುದು. ಇದು ರಾಜಕೀಯದ ಮೇಲೆ ಕೂಡ ಪರಿಣಾಮ ಬೀರಬಹುದು ಎಂಬ ಎಚ್ಚರಿಕೆಯನ್ನೂ ನೀಡಿದ್ದಾರೆ. ಭಾರತದ ರೈತರು ಹಾಗೂ ಜನಸಾಮಾನ್ಯರಿಗೆ ಈ ಮಾತುಗಳು ಚಿಂತೆಯನ್ನು ಹೆಚ್ಚಿಸಿವೆ.
Baba Vanga – ಚೀನಾ ಗ್ಲೋಬಲ್ ಸೂಪರ್‌ಪವರ್ ಆಗುತ್ತಾ?
ಭವಿಷ್ಯದ ಜಾಗತಿಕ ರಾಜಕೀಯದ ಬಗ್ಗೆಯೂ ಅವರು ಮಾತನಾಡಿದ್ದಾರೆ. ಆರ್ಥಿಕ ಮತ್ತು ಮಿಲಿಟರಿ ಶಕ್ತಿಯಲ್ಲಿ ಚೀನಾವು ಅಮೆರಿಕಾವನ್ನು ಮೀರಿಸಿ ಜಗತ್ತಿನ ಅಗ್ರಸ್ಥಾನಕ್ಕೇರಲಿದೆ ಎಂದು ಬಾಬಾ ವಂಗಾ ಹೇಳಿದ್ದಾರೆ. ಇದಲ್ಲದೆ, ವಿಜ್ಞಾನ ಕ್ಷೇತ್ರದಲ್ಲಿ ಗಣನೀಯ ಪ್ರಗತಿ ಇರುತ್ತದೆ ಎಂದೂ ತಿಳಿಸಿದ್ದಾರೆ. Read this also : Baba Vanga ಭವಿಷ್ಯವಾಣಿ: ಮ್ಯಾನ್ಮಾರ್, ಥಾಯ್ಲೆಂಡ್ನಲ್ಲಿ ಭೀಕರ ಭೂಕಂಪ, ಜನಜೀವನ ಅಸ್ತವ್ಯಸ್ತ – ಆತಂಕದಲ್ಲಿ ಜಗತ್ತು!
Baba Vanga – ಒಂದು ಸಕಾರಾತ್ಮಕ ಅಂಶವೂ ಇದೆ!
ಈ ಎಲ್ಲಾ ಆತಂಕಕಾರಿ ವಿಷಯಗಳ ನಡುವೆಯೂ, ಬಾಬಾ ವಂಗಾ ಒಂದು ಸಕಾರಾತ್ಮಕ ಭವಿಷ್ಯವನ್ನು ನುಡಿದಿದ್ದಾರೆ. ಅದೇನಂದರೆ, 2026ರಿಂದ 2028ರೊಳಗೆ ಜಾಗತಿಕವಾಗಿ ಹಸಿವಿನ ಸಮಸ್ಯೆ (World Hunger) ಸಂಪೂರ್ಣವಾಗಿ ನಿವಾರಣೆಯಾಗಲಿದೆ! ಇದು ವಿಶ್ವದ ಜನರಿಗೆ ಆಶಾದಾಯಕ ಬೆಳವಣಿಗೆಯಾಗುವ ಸಾಧ್ಯತೆ ಇದೆ. ಸದ್ಯಕ್ಕೆ, ಬಾಬಾ ವಂಗಾ ಅವರ ಈ ಮಾತುಗಳು ಇಡೀ ವಿಶ್ವವನ್ನು ಚಿಂತೆಗೀಡು ಮಾಡಿವೆ. ಅವರ ಈ ಭಯಾನಕ ಭವಿಷ್ಯವಾಣಿಗಳು ನಿಜವಾಗುತ್ತವೆಯೋ ಇಲ್ಲವೋ ಎಂಬುದನ್ನು ಕಾಲವೇ ನಿರ್ಧರಿಸಬೇಕು.