ಬೆಂಗಳೂರು (Bengaluru) ನಗರದ ಟ್ರಾಫಿಕ್ (Traffic) ಕಿರಿಕಿರಿ ಬಗ್ಗೆ ಹೇಳೋದೇ ಬೇಡ. ಸ್ವಲ್ಪ ದೂರ ಪ್ರಯಾಣ ಮಾಡೋಕೆ ಹೋದ್ರೂ ಅರ್ಧ ಗಂಟೆ ಟ್ರಾಫಿಕ್ ಸಿಗ್ನಲ್ (Traffic Signal)ನಲ್ಲಿ ನಿಲ್ಲಬೇಕಾದ ಪರಿಸ್ಥಿತಿ. ಆದ್ರೆ, ಇನ್ಮುಂದೆ ಈ ಟೆನ್ಷನ್ ಸ್ವಲ್ಪ ಮಟ್ಟಿಗೆ ಕಮ್ಮಿಯಾಗಬಹುದು. ಯಾಕಂದ್ರೆ, ದೇಶದಲ್ಲೇ ಮೊದಲ ಬಾರಿಗೆ ಮ್ಯಾಪಲ್ಸ್ ಆ್ಯಪ್ (Mappls App) ಬೆಂಗಳೂರಿನಲ್ಲಿ ಸಿಗ್ನಲ್ ಟೈಮಿಂಗ್ಸ್ನ ಲೈವ್ ಕೌಂಟ್ಡೌನ್ (Live Countdown) ಮಾಹಿತಿ ಕೊಡೋಕೆ ಶುರುಮಾಡಿದೆ!
ಈ ಹೊಸ ಫೀಚರ್ನಿಂದಾಗಿ ಟ್ರಾಫಿಕ್ನಲ್ಲಿ ಕಾಯುವ ಪ್ರಯಾಣಿಕರಿಗೆ, ಇನ್ನು ಎಷ್ಟು ಸೆಕೆಂಡ್ಗಳಲ್ಲಿ ಲೈಟ್ ಚೇಂಜ್ ಆಗುತ್ತೆ ಅನ್ನೋ ರಿಯಲ್ ಟೈಮ್ (Real Time) ಮಾಹಿತಿ ಸಿಗಲಿದೆ. ಟ್ರಾಫಿಕ್ ಜಾಮ್ಗಳನ್ನು ನಿರ್ವಹಿಸಲು ಇದು ಬಹುದೊಡ್ಡ ಹೆಜ್ಜೆ.
Traffic – ಪ್ರಯಾಣಿಕರಿಗೆ ಹೀಗಿದೆ ಮ್ಯಾಪಲ್ಸ್ ಆ್ಯಪ್ನ ಪ್ರಯೋಜನ
ಈ ಅದ್ಭುತ ಉಪಕ್ರಮವನ್ನು ಬೆಂಗಳೂರು ನಗರ ಸಂಚಾರ ಪೊಲೀಸ್ (Bengaluru Traffic Police), ಅರ್ಕಾಡಿಸ್ ಇಂಡಿಯಾ (Arcadis India), ಮತ್ತು ಮ್ಯಾಪಲ್ಸ್ (MapmyIndia) ಟೆಕ್ನಿಕಲ್ ಟೀಮ್ಗಳು ಜಂಟಿಯಾಗಿ ಕೈಗೊಂಡಿವೆ.
ನಿಮ್ಮ ಪ್ರಯಾಣದ ಪ್ರತಿ ಹೆಜ್ಜೆಯಲ್ಲೂ ಲೈವ್ ಅಪ್ಡೇಟ್ಸ್!
ನೀವು ಟ್ರಾಫಿಕ್ ಸಿಗ್ನಲ್ ಸಮೀಪಿಸುತ್ತಿದ್ದಂತೆಯೇ, ಮ್ಯಾಪಲ್ಸ್ ಆ್ಯಪ್ನಲ್ಲಿ ಸಿಗ್ನಲ್ ಲೈಟ್ನ ಲೈವ್ ಕೌಂಟ್ಡೌನ್ ಕಾಣಿಸೋಕೆ ಶುರುಮಾಡುತ್ತೆ. ಸಿಗ್ನಲ್ ಬದಲಾಗಲು ಇನ್ನು ಎಷ್ಟು ಸೆಕೆಂಡುಗಳು ಉಳಿದಿವೆ ಅನ್ನೋದನ್ನ ನಿಖರವಾಗಿ ಇದು ತೋರಿಸುತ್ತೆ. ಇದರಿಂದಾಗಿ ವಾಹನ ಸವಾರರು ತಮ್ಮ ಪ್ರಯಾಣವನ್ನು ಉತ್ತಮವಾಗಿ ಪ್ಲಾನ್ ಮಾಡಿಕೊಳ್ಳಬಹುದು ಮತ್ತು ಅನಗತ್ಯವಾಗಿ ಎಂಜಿನ್ ಆಫ್ ಮಾಡದೆ ಕಾಯಬಹುದು.
Traffic – ಮ್ಯಾಪಲ್ಸ್ ಲೈವ್ ಟೈಮಿಂಗ್ಸ್ ಹೇಗೆ ಕೆಲಸ ಮಾಡುತ್ತೆ?
ಮ್ಯಾಪಲ್ಸ್ ಆ್ಯಪ್ನ ಈ ಲೈವ್ ಅಪ್ಡೇಟ್ ಫೀಚರ್ ತುಂಬಾನೇ ಸರಳವಾಗಿದೆ. ನಿಮ್ಮ ಸ್ಮಾರ್ಟ್ಫೋನ್ (Smartphone)ನಲ್ಲಿ ಆ್ಯಪ್ ಓಪನ್ ಮಾಡಿ ನ್ಯಾವಿಗೇಷನ್ (Navigation) ಬಳಸಿದಾಗ, ಸಿಗ್ನಲ್ ಬಳಿ ಇರುವ ಟ್ರಾಫಿಕ್ ಲೈಟ್ ಐಕಾನ್ (Icon) ಮೇಲೆ ಕೌಂಟ್ಡೌನ್ ಟೈಮರ್ (Timer) ಕಾಣಿಸುತ್ತೆ. ಮ್ಯಾಪ್ಮೈ ಇಂಡಿಯಾದ ನಿರ್ದೇಶಕರಾದ ರೋಹನ್ ವರ್ಮಾ ಅವರು ಈ ಕುರಿತು ‘X’ (ಟ್ವಿಟರ್) ನಲ್ಲಿ ಹಂಚಿಕೊಂಡಿದ್ದಾರೆ.
“ಬೆಂಗಳೂರಿನಲ್ಲಿ ನಾವು ಇದನ್ನ ಶುರು ಮಾಡಿದ್ದೇವೆ. ಇದು ಭಾರತದಲ್ಲೇ ಮೊದಲ ಪ್ರಯತ್ನ. ಇದರಿಂದಾಗಿ ವಾಹನ ಸವಾರರಿಗೆ ಅನುಕೂಲವಾಗಲಿದೆ. ಈ ಮಹತ್ವದ ಕಾರ್ಯಕ್ಕೆ ಸಹಕರಿಸಿದ ಬೆಂಗಳೂರು ಸಂಚಾರ ಪೊಲೀಸ್ ಮತ್ತು ಅರ್ಕಾಡಿಸ್ ಇಂಡಿಯಾ ತಂಡಗಳಿಗೆ ಧನ್ಯವಾದಗಳು” – ರೋಹನ್ ವರ್ಮಾ, ನಿರ್ದೇಶಕರು, ಮ್ಯಾಪ್ಮೈ ಇಂಡಿಯಾ.
ಗೂಗಲ್ ಮ್ಯಾಪ್ಸ್ಗಿಂತ ಇದು ಹೇಗೆ ವಿಭಿನ್ನ?
ರೋಹನ್ ವರ್ಮಾ ಅವರ ಈ ಘೋಷಣೆಗೆ ಸಾರ್ವಜನಿಕ ವಲಯದಲ್ಲಿ ದೊಡ್ಡ ಮಟ್ಟದ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆಲವರು ‘ಇದರ ಉಪಯೋಗವೇನು?’ ಎಂದು ಪ್ರಶ್ನಿಸಿದ್ದಾರೆ. ವರ್ಮಾ ಅವರು ಅದಕ್ಕೆ ತಕ್ಷಣವೇ ಪ್ರತಿಕ್ರಿಯಿಸಿ, “ನೀವು ಸಿಗ್ನಲ್ನಿಂದ ಸುಮಾರು 500 ಮೀಟರ್ ದೂರದಲ್ಲಿ ಇರುವಾಗಲೇ ಲೈಟ್ ಕೆಂಪು/ಹಸಿರು ಆಗಲು ಎಷ್ಟು ಸಮಯ ಇದೆ ಅಂತ ಗೊತ್ತಾಗುತ್ತೆ. ಇದರಿಂದ ತುರ್ತು ಸಂದರ್ಭಗಳಲ್ಲಿ ತುಂಬಾನೇ ಸಹಾಯ ಆಗುತ್ತೆ” ಎಂದು ಸ್ಪಷ್ಟಪಡಿಸಿದ್ದಾರೆ.
ಸಂಬಂಧಿಸಿದ ಪೋಸ್ಟ್ ಇಲ್ಲಿದೆ ನೋಡಿ : Click Here
ಅಷ್ಟೇ ಅಲ್ಲ, ಮತ್ತೊಬ್ಬ ಬಳಕೆದಾರರು “ಈ ಫೀಚರ್ ಗೂಗಲ್ ಮ್ಯಾಪ್ಸ್ (Google Maps) ನಲ್ಲೂ ಲಭ್ಯವಿಲ್ಲ ಅಂತ ಕಾಣುತ್ತೆ” ಎಂದು ಹೇಳಿದ್ದು, ಇದು ಮ್ಯಾಪಲ್ಸ್ನ ವಿಶೇಷತೆಯನ್ನು ಎತ್ತಿ ಹಿಡಿಯುತ್ತದೆ. Read this also : ವೈಯಕ್ತಿಕ ಸಾಲ ವಂಚನೆ ಜಾಗ್ರತೆ! ಸಾಲ ಪಡೆಯುವ ಮುನ್ನ ತಿಳಿಯಲೇಬೇಕಾದ 5 ಮೋಸದ ಮಾರ್ಗಗಳು..!
ಇತರ ಮೆಟ್ರೋ ಸಿಟಿಗಳಲ್ಲೂ ಈ ಸೌಲಭ್ಯ ಲಭ್ಯವಾಗುತ್ತಾ?
ಸದ್ಯಕ್ಕೆ ಬೆಂಗಳೂರಿನಲ್ಲಿ ಆರಂಭವಾಗಿರುವ ಈ ಪ್ರಾಯೋಗಿಕ ಪ್ರಯತ್ನ ಯಶಸ್ವಿಯಾದರೆ, ಮುಂಬರುವ ತಿಂಗಳುಗಳಲ್ಲಿ ದೆಹಲಿ, ಮುಂಬೈ, ಚೆನ್ನೈ ಸೇರಿದಂತೆ ಭಾರತದ ಇತರೆ ಪ್ರಮುಖ ಮೆಟ್ರೋ ನಗರಗಳಲ್ಲೂ (Metro Cities) ಈ ಸೌಲಭ್ಯವನ್ನು ಪರಿಚಯಿಸುವ ಸಾಧ್ಯತೆ ಇದೆ.