Shocking – ಪ್ರತಿಯೊಬ್ಬರಿಗೂ ತಮ್ಮ ಜೀವನದಲ್ಲಿ ಜೊತೆಯಾಗುವ ಸಂಗಾತಿ ಹೇಗಿರಬೇಕೆಂದು ಅನೇಕ ಕನಸುಗಳಿರುತ್ತವೆ. ಈ ಕನಸುಗಳನ್ನು ಕಾಣಲು ಯಾವುದೇ ಹಣವನ್ನು ತೆರಬೇಕಾಗಿಲ್ಲ. ಹೀಗಿರುವಾಗ, ಕೆಲವರು ತಮಗೆ ಸಿಗುವ ಸಂಗಾತಿ ಸ್ವರ್ಗಕ್ಕಿಂತಲೂ ಮಿಗಿಲಾಗಿರಬೇಕೆಂದು ಬಯಸಿದರೆ, ಇನ್ನು ಕೆಲವರು ಅತಿಯಾದ ಆಸೆಗಳಿಲ್ಲದೆ ಸಾಮಾನ್ಯ ಮತ್ತು ಉತ್ತಮ ಜೀವನವನ್ನು ನಡೆಸಲು ಬಯಸುತ್ತಾರೆ. ಒಳ್ಳೆಯ ಉದ್ಯೋಗ, ಪರಸ್ಪರ ಗೌರವ ಮತ್ತು ಅರ್ಥ ಮಾಡಿಕೊಳ್ಳುವಂತಹ ಸಂಗಾತಿ ಸಿಕ್ಕರೆ ಸಾಕು ಎಂದು ಬಯಸುವವರಿದ್ದಾರೆ.
ಆದರೆ ಇಲ್ಲೊಬ್ಬ ಯುವತಿ ತಾನು ಮದುವೆಯಾಗುವ ಹುಡುಗನಿಗೆ ಇರಬೇಕಾದ ಅರ್ಹತೆಗಳೆಂದು ಬರೋಬ್ಬರಿ 18 ಷರತ್ತುಗಳನ್ನು ಪಟ್ಟಿ ಮಾಡಿ ತನ್ನ ಬಾಯ್ಫ್ರೆಂಡ್ಗೆ ಕಳುಹಿಸಿದ್ದಾಳೆ. ಈ ಯುವಕ ತನಗೆ ಬಂದಿರುವ ಈ ಷರತ್ತುಗಳ ಪಟ್ಟಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದು, ಇದನ್ನು ನೋಡಿದ ನೆಟ್ಟಿಗರು ಇಷ್ಟೆಲ್ಲಾ ಷರತ್ತುಗಳನ್ನು ಪೂರೈಸಲು ಸಾಧ್ಯವಿಲ್ಲವೆಂದು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೆ, ಆ ಯುವಕನಿಗೆ “ಸಿಂಗಲ್ ಆಗಿಯೇ ಸಾಯುವುದು ಲೇಸು” ಎಂದು ಸಲಹೆ ನೀಡಿದ್ದಾರೆ.
Shocking – ಹಿಂಜ್ ಡೇಟಿಂಗ್ ಆ್ಯಪ್ನಲ್ಲಿ ಬಹಿರಂಗವಾದ ವಿಚಿತ್ರ ಬೇಡಿಕೆಗಳು:
ರೆಡ್ಡಿಟ್ನಲ್ಲಿ ಈ ಪೋಸ್ಟ್ ಅನ್ನು ಹಂಚಿಕೊಂಡಿರುವ ಯುವಕ, ತಾನು ಹಿಂಜ್ ಡೇಟಿಂಗ್ ಆ್ಯಪ್ನಲ್ಲಿ ಪರಿಚಯವಾದ ಹುಡುಗಿಯೊಬ್ಬಳು ಕಳುಹಿಸಿದ 18 ಷರತ್ತುಗಳ ಪಟ್ಟಿಯ ಸ್ಕ್ರೀನ್ಶಾಟ್ ಅನ್ನು ಹಂಚಿಕೊಂಡಿದ್ದಾನೆ. ಇದನ್ನು ನೋಡಿದ ಸಾಮಾಜಿಕ ಜಾಲತಾಣ ಬಳಕೆದಾರರು ದಿಗ್ಭ್ರಮೆಗೊಂಡಿದ್ದಾರೆ. ಅನೇಕರು ತರಹೇವಾರಿ ಕಾಮೆಂಟ್ಗಳನ್ನು ಮಾಡುವ ಮೂಲಕ ತಮ್ಮ ಅಭಿಪ್ರಾಯ ಮತ್ತು ಟೀಕೆಗಳನ್ನು ವ್ಯಕ್ತಪಡಿಸಿದ್ದಾರೆ.
ವರದಿಗಳ ಪ್ರಕಾರ, ಆ ಯುವಕ ಡೇಟಿಂಗ್ ಆ್ಯಪ್ನಲ್ಲಿ ಆ ಹುಡುಗಿಗೆ “ನಿಮ್ಮ ಪ್ರೊಫೈಲ್ ನೋಡಿದೆ, ನಿಮ್ಮ ಚೆಕ್ಲಿಸ್ಟ್ ಕಳಿಸಿ” ಎಂದು ಸಂದೇಶ ಕಳುಹಿಸಿದ್ದಾನೆ. ಅದಕ್ಕೆ ಆ ಯುವತಿ “ನೀವು ಲಿಸ್ಟ್ ನೋಡಬೇಕಾ?” ಎಂದು ಮರುಪ್ರಶ್ನಿಸಿದ್ದಾಳೆ. ಯುವಕ “ಹೌದು, ಕಳಿಸಿ ನಾನು ಈಡೇರಿಸುತ್ತೇನೆ” ಎಂದು ಹೇಳಿದಾಗ, ಆ ಯುವತಿ 18 ಷರತ್ತುಗಳ ಒಂದು ದೊಡ್ಡ ಪಟ್ಟಿಯನ್ನು ಕಳುಹಿಸಿದ್ದಾಳಂತೆ. ಆ ಪಟ್ಟಿಯಲ್ಲಿ ತನ್ನ ಸಂಗಾತಿಯಾಗುವ ವ್ಯಕ್ತಿಗೆ ಇರಬೇಕಾದ ಕನಿಷ್ಠ ಅರ್ಹತೆಗಳನ್ನು ಆಕೆ ನಮೂದಿಸಿದ್ದಾಳೆ. ಆತನು ತನ್ನನ್ನು ತುಂಬಾ ಪ್ರೀತಿಸಬೇಕು, ತನಗೆ ಹೆಚ್ಚು ಪ್ರಾಮುಖ್ಯತೆ ನೀಡಬೇಕು, ಭಾವನಾತ್ಮಕವಾಗಿ ಪ್ರಬುದ್ಧನಾಗಿರಬೇಕು, ಸಾಕಷ್ಟು ಹಣ ಸಂಪಾದಿಸುವವನಾಗಿರಬೇಕು, ಐಷಾರಾಮಿ ಜೀವನವನ್ನು ಇಷ್ಟಪಡಬೇಕು ಮತ್ತು ಉತ್ತಮ ವ್ಯಕ್ತಿತ್ವವನ್ನು ಹೊಂದಿರಬೇಕು ಎಂದು ಆಕೆ ಬಯಸಿದ್ದಾಳೆ.
Shocking – ತಿಂಗಳಿಗೆ 3 ಮಿಲಿಯನ್ ಡಾಲರ್ ಸಂಬಳ, ವೈಯಕ್ತಿಕ ಸೇವೆ ಮತ್ತು ನಿಷ್ಠೆ ಕಡ್ಡಾಯ
ಇಷ್ಟೇ ಅಲ್ಲದೆ, ಆ ಯುವತಿ ತನ್ನ ಭಾವಿ ಪತಿ ತಿಂಗಳಿಗೆ ಕನಿಷ್ಠ 3 ಮಿಲಿಯನ್ ಡಾಲರ್ ಸಂಬಳವನ್ನು ಹೊಂದಿರಬೇಕು ಎಂದು ಷರತ್ತು ವಿಧಿಸಿದ್ದಾಳೆ. ಅತ್ಯಾಧುನಿಕ ಮತ್ತು ಐಷಾರಾಮಿ ಜೀವನಶೈಲಿಯನ್ನು ಹೊಂದಿದ್ದು, ಬುದ್ಧಿವಂತ ಹಾಗೂ ಆತ್ಮವಿಶ್ವಾಸವುಳ್ಳವನಾಗಿರಬೇಕು. ಫಿಟ್ ಆಗಿ ಆಕರ್ಷಕವಾಗಿ ಕಾಣಬೇಕು ಮತ್ತು ಆಕೆ ಮಾಡುವ ಯಾವುದೇ ಕೆಲಸಕ್ಕೂ ಕೋಪಗೊಳ್ಳಬಾರದು. ಆಕೆ ಕೇಳಿದ್ದನ್ನೆಲ್ಲಾ ಕೊಡಿಸುವ ಮತ್ತು ಮೋಜು ಮಸ್ತಿಗಾಗಿ ಹೊರಗೆ ಕರೆದುಕೊಂಡು ಹೋಗುವಂತಹ ವ್ಯಕ್ತಿಯಾಗಿರಬೇಕು. ಲೈಂಗಿಕವಾಗಿ ಶಿಸ್ತುಬದ್ಧ ಮತ್ತು ನಿಷ್ಠಾವಂತನಾಗಿರಬೇಕು. ಗರ್ಭಧಾರಣೆ ತಡೆಗಟ್ಟುವಿಕೆಯ ಜವಾಬ್ದಾರಿಯನ್ನು ನಿರ್ವಹಿಸಬೇಕು ಮತ್ತು ಯಾವಾಗಲೂ ತನ್ನ ಸೇವೆಯಲ್ಲಿರಬೇಕು ಎಂದು ಆಕೆ ತನ್ನ ಷರತ್ತುಗಳಲ್ಲಿ ತಿಳಿಸಿದ್ದಾಳೆ. Read this also : Marriage : ಯುವತಿಗಿಂತ ಪ್ರೆಷರ್ ಕುಕ್ಕರ್ ಬೆಟರ್ ಎಂದ ಯುವಕ ಪ್ರೆಷರ್ ಕುಕ್ಕರ್ ಅನ್ನೇ ಮದುವೆಯಾದ, ಬಳಿಕ ಆಗಿದ್ದೇ ಬೇರೆ…!
Shocking – ನೆಟ್ಟಿಗರ ಪ್ರತಿಕ್ರಿಯೆ
ಈ ಎಲ್ಲಾ ಬೇಡಿಕೆಗಳ ಪಟ್ಟಿಯನ್ನು ಪಡೆದ ಯುವಕ ಅದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದು, ಇದು ತೀವ್ರ ವೈರಲ್ ಆಗಿದೆ. ನೆಟ್ಟಿಗರು ಆ ಯುವತಿಯ ಅತಿಯಾದ ಬೇಡಿಕೆಗಳನ್ನು ಟೀಕಿಸುತ್ತಿದ್ದಾರೆ. ಒಬ್ಬ ಬಳಕೆದಾರರು “ನೀವು ಇದೇ ಲಿಸ್ಟ್ ಅನ್ನು ಆಕೆಗೆ ಕಳುಹಿಸಿ ನೋಡಿ, ಆಗ ನಿಮಗೆ ಗೊತ್ತಾಗುತ್ತದೆ” ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, “ಈಕೆ ಜೀವನಪರ್ಯಂತ ಸಿಂಗಲ್ ಆಗಿಯೇ ಇರುತ್ತಾಳೆ” ಎಂದು ಭವಿಷ್ಯ ನುಡಿದಿದ್ದಾರೆ. ಇನ್ನೂ ಕೆಲವರು, “ನೀವು ಆಕೆಯ 18 ಷರತ್ತುಗಳನ್ನು ಪೂರೈಸಿ ಸಂಗಾತಿಯಾಗುವ ಬದಲು ಒಂಟಿಯಾಗಿಯೇ ಸಾಯುವುದು ಉತ್ತಮ” ಎಂದು ಆ ಯುವಕನಿಗೆ ಸಲಹೆ ನೀಡಿದ್ದಾರೆ.